Aadaab

Faire khidmat mama

Mouhammad Bin Al-Mounkadir R dire ki li fine passe la nuit dans pèse so mama so lipied et so frère Abou Bakr fine passe so la nuit dans faire namaz. Mais Mouhammad Bin Al-Mounkadir faire ressortir ki jamais li ti à content échange so la nuit dans laquelle li fine pèse so mama so li pied avec so frère so la nuit ki fine passé dans namaz.

Vertu ranne visite ene dimoune malade

Quand ene dimoune ranne visite ene malade, 70000 farishta faire dua pou li. Allah Ta’ala donne li ene jardin dans jannat. Allah Ta’ala garde li loin de jahannam lors ene distance ki capave couvert dans 60 bananés.

Fausse l’espoir

Banne ki oulé repentir de banne péché, zotte bizin pas découragé. Allah Ta’ala li Grand Pardonneur. Necque ena pou dimane Allah Ta’ala pardon. Allah Ta’ala pou dresse tout.

Baisse regard

Baisse ou regard quand ou marché lors la rue. Pas guette-guette famille dimoune. Ou bizin calculé ki ou aussi ou ena mama sœur dans la caze. Ou pas ti à content kikene faire ça avec ou la famille. Et nou banne sœurs aussi zotte bizin habille zotte dans ene façon décent et respectable. Zotte aussi zotte ena compte pou rendé si zotte pas comporte zotte bien.

[Extrait de Al Jamiat Vol.5 No.2]

Faire malpropre

Pas gagne droit faire malpropre dans au milieu chemin. Coumsa même li bien pas bon faire malpropre en bas ene pied ki ena fruit ou bien en bas ene l'ombrage cote dimoune vine reposé. Ene travail pareille li invoque la colère d'Allah Ta'ala et so malédiction.

[Extrait de Al Jamiat Vol.3 No.14]

Quand lève dormi

 Ene dimoune pas conné cote-cote so la main fine vire-viré dans sommeil. Alors quand li lve dormi, li pli propre ki li lave so la main avant li mette so la main dans ene kitchose mangé ou bien dans ene kitchose boire.

[Extrait de Al Jamiat Vol.3 No.2]

Servi tous les deux la main

Cote ene la main li pas sufi, là-bas capave servi tous les deux la main. Par exemple ene dimoune pas capave boire coco avec ene seul la main. Alors li gagne droit attrapé avec tous les deux la main. Coumsa même quand nou donne la main pou faire Mousafahah, li pli bon faire li avec tous les deux la main. C'est ene façon pli respectable.

[Extrait de Al Jamiat Vol.3 No.2]

Syndicate content