Aadaab

Servi la main gauche

Nous servi la main gauche pou nettoye nou dans toilette. Coumsa même nou servi la main gauche pou nettoye tout kitchose ki impure.

[Extrait de Al Jamiat Vol.3 No.2]

Servi la main droite

Nou servi la main droite pou mangé. Coumsa même nou bizin attrape avec la main droite quand nou boire. Selon ene hadice ki trouve dans Saheeh Mouslim, Rassouloullah ‎(Sallallaahou A'laihi Wasallam)‎ fine qualifié mangé-boire avec la main gauche de la façon ki shaitaan mangé-boire. Ene bon musulman li bizin toujours reste loin avec ceki shaitaan content et ceki shaitaan faire. Li pas coute nou narien dans servi la main droite pou mangé-boire. Mais ene simple ti négligence capave coûte nou bien cher.

Cachiette défaut ene musulman

“… Celui ki cachiette défaut ene musulman, Allah (Ta’ala) pou cachiette so défaut dans Dounia et dans Aakhirat …”

N.B : En principe pas gagne droit dévoile péché ene musulman. Bizin cachiette so défaut. Mais si cachiette ça défaut-là li menace l’intérêt ene l’autre personne, alors bizin averti la personne concernée pou li capave prend so précaution. Dans ce cas li pas empêché. Au contraire li ene devoir pou dévoile li.

[Extrait de Al Jamiat Vol.2 No.14]

Si kikene confié ou ene travail…

Si kikene confié ou ene travail, alors comme ene bon principe li bon conné ki ou informe la personne cote travail-là fine arrivé. Ena des fois, travail-là pas fine faire et dimoune-là croire ki travail-là fine fini faire couma li capave ki travail fine fini faire mais dimoune-là pé encore tracassé. Alors nou bizin vive dans ene façon ki ça pas incommode personne.

[Extrait de Al Jamiat Vol.2 No.11]

Syndicate content