Sincèrité

Bizin être sincère dans la vie surtout envers le créateur ki fine créé ou et ki fine donne ou tout ceki ou bizin. Sinon ou malhonnêté capave amène ou bien loin. Et parfois ça capave irréparable. La sincérité envers le créateur dimane nou ki nou adore li tout seul et ki nou pas laisse narien surpasse so l’ordre. Nou bizin content li plis ki tout. C'est-à-dire nou pas faire kikene plaisir par déplaire li. Si fallait entier dounia vine contre nou mais nou bizin continué reste dans so l’obéissance. Boucou dimoune pretanne ki zot sincère envers zot créateur et d’ailleurs zotte bizin dire ça même parceki personne pas content appelle li ene hypocrite. Mais entre ceki ene dimoune dire et entre ceki li été en réalité, ena ene grand distance. Comportement ene dimoune dans so la vie quotidienne capave donne ou ene l’idée exacte de ceki ene dimoune été.

Ene zenes li accepté ziska rase so la barbe ki li ti gardé depi ene bon boute le temps dans applique sounnat de so Nabi ‎(Sallallaahou A'laihi Wasallam)‎ zisse acoze ene mamzel ki pas disposé marié avec ene kikene ki ena la barbe. Ça zenes-là fine faire plaisir ça mamzel-là. Pena narien de mauvais dans faire ou dans adapté avec ene ki ou oulé marié avec li ou bien dans faire li plaisir. Mais couma tout kitchose, ça aussi li ena limite. Ou gagne droit faire li tanque ki ça pas faire ou casse ene l’ordre dans Deen. Ça zenes-là fine faire ene grand gaffe et ene grand faux pas par rase so la barbe parceki ça li defanne dans Deen. Ou li bien bien grave mais dimoune pas trouve li grave acoze ki ça vine ene la mode. Et ça fine minimise so l’importance. Couma dire ene ki pé vive dans ene l’environnent sale et malpropre mais li pas senti l’odeur malpropreté acoze ki li fine habitué avec ça. Et peut être li capave pas senti li bien si li pas gagne li.

Eski ou pou appelle ene garçon sincère envers so parent ki laisse so parent tombé malgré ki zotte en raison, zisse pou plaire so madame ? Si li pas sincère, bé ki manière ça zenes-là capave qualifié li de sincère envers so Rabb quand li fine mette plaisir ene mamzel au premier plan ? Ki manière li capave sincère quand li fine désobéir so Rabb pou faire ene mamzel plaisir ?

Ça c’est necque ene l’exemple. Combien kitchose pareil arrive nou tous les jours. Si nou analyse ça banne kitchose-là, nou pou arrivé conné ki quantité sincère nou été envers nou Rabb.

Ena ene l’autre genre de l’hypocrisie ki nou pé développé pou faire plaisir à banne non musulmans. Si banne non musulmans zotte apprécié ene certaine kitchose, nou ena tendance à faire croire ki li appréciable dans l’Islam aussi quand même li capave ene kitchose bien grave. Par exemple nou banne "prédicateurs" moderne ena tendance montré ki la musique douce ou bien la photographie de banne choses animées li autorisé dans l’Islam. Ena aussi banne ki fine ena l’audace qualifié ene terme couma jean, chemisier et ene ti foulard/mouchoir lors la tête de ene tenue islamique pou madame. Et pourtant ça li pas satisfaire banne conditions de pardah ki ene madame musulmane bizin adopté.

Li vrai ki ça quantité-là dans ene l’époque cote l’indécence et l’immoralité fine envahi la société, li encourageant mais toute fois li pas suffisant. Li encourageant dans le sens ki ça capave amélioré au fil des années mais en même temps nou bizin comprend ki ça li pas suffisant parceki li pas satisfaire banne conditions de pardah. Si ene dimoune li passe ça quantité-là même pou ça pardah ki préconisé dans l’Islam, alors li pas pé propage l’Islam mais li pé déforme l’Islam.

Si nou sincère envers Allah Ta’ala, nou pou convaincu ki tout ceki l’Islam fine montré li vrai, même si parfois nou arrivé pas comprend l’idée derrière ça. Et jamais nou pou senti nou complexé divant soi-disant banne intellectuels ki trouve pou objecté à l’égard ça banne la loi-là.

Nou bizin comprend ki lapidation li existé bel et bien dans l’Islam. Coupe la main banne ki coquin aussi existé. Coumsa même ena la peine capitale pou banne ki renonce l’Islam après avoir accepté li. L’Islam li déjà ene beauté en li même ki pas dimane aukene camouflage ou maquillage. Donc pena aukene nécessité cachiette kitchose depi là-dans sous l’impression ki ça li capave ene mauvais image de l’Islam. Allah Ta’ala li conné ki bon et ki pas bon. Allah Ta’ala conné ki veut dire la justice et ki veut dire la tyrannie. Eski nou bizin encore kikene pou montré nou ça ? Si ou ena Imaan, ou pou accepté li quand ou conné ki ça li ene l’ordre Allah Ta’ala quand même ou pas capave justifié li.

Complexe divant banne non-musulmans à propos ça banne la loi-là et encore certaine la loi dans l’Islam li indique l’insuffisance et ene grand manquement de Imaan et Yaqeen de la personne. C’est tout à fait contraire à la sincérité ki ene dimoune bizin possédé pou être ene bon musulman.

[Extrait de Al Jamiat Vol.5 No.5]