Verdict Hazrat Allaamah Bin Hajar Al-Asqalaani (R) lors trois talaaq

D’après recherche du célèbre Mouhaddice (savant de hadice) Allaamah Bin Hajar Al-Asqalaani, le verdict ki 3 talaaq li compte 3 talaaq même li basé lors ene ijma (consensus) ki fine établi dans l'époque Hazrat 'Oumar ‎(Radiyallahou anhou‎)‎. Et l'opposition à ça verdict-là li représente le rejet de ijma de banne Sahaba-e-Kiraam.

Banne Sahaba-e-Kiraam fine comprend Deen pli bien ki n'importe ki sanla. Zotte fine comprend la pratique et le verdict de Nabi ‎(Sallallaahou A'laihi Wasallam)‎ et so porté pli bien ki n'importe ki sanla. Rejette ceki banne Sahaba-e-Kiraam fine décidé avec l'unanimité représente rejette la vérité et adopté la fausseté. C’est ene façon montré conne Deen pli bien ki banne Sahaba-e-Kiraam. C’est ene façon montré conne prend décision pli bien ki Hazrat 'Oumar ‎(Radiyallahou anhou‎)‎. Pena aukene prétention pli dans l’égarement et dans noireté ki ene prétention pareil.

Ene dimoune ki ena hikmah (sagesse) pas capave ena ene jugement pareil. Li impossible !

[Extrait de Al Jamiat Vol.5 No.7, 8]