Véritable riche

Ene dimoune ki so le cœur attaché avec dounia, li pou reste toujours ene dernier misérable. Faudré pas gagne embêté avec so gros fortune ki li possédé parceki li pou toujours senti li pas assez. Ça l’esprit pas assez-là faire li senti ki li ene misérable. D’ailleurs c’est ene erreur si nou croire ki dimoune riche veut dire ene ki possède boucou. En vérité riche c’est ene dimoune ki so le cœur riche. C'est-à-dire ene dimoune ki pas attaché avec dounia. Li pas gourmand. Li pas mort pou dounia. Li pas jaloux so banne camarades quand li trouve zotte pé gagné. Li senti li libre. Li pas vive dans faire esclavage dounia. Li gère so richesse avec tout générosité sans faire gaspillage. Bref c’est ene dimoune ki pas laisse dounia domine li. Li pas laisse dounia rente dans so le cœur. Ene dimoune pareil li vraiment libre et vraiment riche.

[Extrait de Al Jamiat Vol.5 No.8]