Ene vrai connaisseur

Ene dimoune ki vraiment ena connaissance c’est ene dimoune ki à force aprane, fine arrivé conné ki quantité ki li pas conné. Li trouve ceki li conné divant ceki li pas conné, couma dire li pas conné. Et ça faire li courbé avec so l’âme et so le corps divant le vrai connaisseur Allah Ta’ala ki conne tout. En retour de so humilité, Allah Ta’ala honore li et accorde li ene connaissance ki pas gagné dans livre. Ene connaissance ki faire li trouve ceki lezot pas trouvé. C’est parceki li trouvé par Allah, li tandé par Allah et en général li guidé par Allah dans tous so banne mouvements. Ena des fois dimoune gagne difficulté pou comprend ceki li dire et ceki li faire et pourtant li reste toujours dans le cadre. Ceki li faire et ceki li dire li dans limite de shariah. Mais peut être acoze ki li ene ti pé trop avancé ki ranne li inaccessible pou banne dimoune ordinaires. Couma dire li ene ti centre d’information ki fine connecté li avec ene centre information mère ki pas manque aukene information.

[Extrait de Al Jamiat Vol.5 No.9]