Najaat abadiyyah

Najaat abadiyyah ou bien le salut éternel c’est ene kitchose ki tout dimoune bizin ça. Li bizin ene dimoune ki pas comprend même ceki li dire ki capave vine pretanne le contraire.

Ça najaat-là li trouve seulement et seulement dans suive Deen. Suive Deen signifié obéir tous banne commandements Allah Ta’ala d’après le moubaarak tareeqah et sounnat de Nabi ‎(Sallallaahou A'laihi Wasallam)‎. Pena aukene l’autre chemin apart ça pou gagne le salut éternel.

Le problème ki ene dimoune capave gagné dans suive Deen capave surmonté par cherche ene guide spirituel ou bien par reste ensam avec banne ki zotte déjà là-dans. L’environnement li ena so l’effet. Ene dimoune capave vine bon et gagne la volonté pou vine bon quand li reste dans ene bon l’environnement.

Hidaayat li trouve uniquement dans la main Allah Ta’ala pareil couma teigne la soif et passe la faim li pas travail personne apart Allah Ta’ala. Mais ça aussi li vrai ki Allah Ta’ala fine mette ene moyen pou chaque but ki ene dimoune envi atteine. Si teigne la soif et passe la faim Allah Ta’ala fine mette ça dans mangé-boire, alors hidaayah aussi Allah Ta’ala fine mette dans reste en compagnie ene ‘Sheikh-e-Kamil’ (guide spirituel).

Ene sheikh-e-kamil li ene trésor et ene grand fortune. C’est ene moyen quasiment indispensable ou bien le seul moyen pou faire ou gagne le vrai mouhabbat et l’amitié pou Allah Ta’ala et so Rasoul ‎(Sallallaahou A'laihi Wasallam)‎.

Na pena aukene kitchose pli valeureux ki Allah Ta’ala et so Rasoul ‎(Sallallaahou A'laihi Wasallam)‎ so mouhabbat. Donc le moyen ki faire ou gagne ça kitchose valeureux-là aussi li bizin ene kitchose très valeureux.

Si tous dimoune bizin najaat-e-abadiyyah ki trouve dans mouhabbat pou Allah Ta’ala et so Rasoul ‎(Sallallaahou A'laihi Wasallam)‎, alors tout dimoune bizin adopté so moyen indispensable aussi. C'est-à-dire tout dimoune bizin ene sheikh-e-kamil.

[Extrait de Al Jamiat Vol.5 No.10]