Li vrai …

Li vrai ki dans l’époque Nabi ‎(Sallallaahou A'laihi Wasallam)‎, madame ti pé vine masjid. Si dimoune servi ça comme ene preuve pou laisse madame vine dans masjid, alors li bizin être dans les même conditions ki ti prévaloir dans l’époque Nabi ‎(Sallallaahou A'laihi Wasallam)‎. Mette ene pratique diboute sans respecté so banne conditions li ene genre de tromperie.

Nou bizin d’accord ki le contexte dans lequel Nabi ‎(Sallallaahou A'laihi Wasallam)‎ ti donne ene tel autorisation fine changé. Donc pas capave servi ceki ti existé dans l’époque Nabi ‎(Sallallaahou A'laihi Wasallam)‎ comme ene preuve pou re-introduire li parceki ça l’autorisation-là li pas applique pou ene contexte et ene condition ki nou pé vive zordi jour. Et surtout dans ene l’époque cote ou gagne banne soi disant islamologues ki pé fausse conception de pardah.

Hazrat Aisha ‎(Radiyallahou anhou‎)‎ fine comprend ça bien. Dégradation, détérioration et changement dans l’attitude et manière ki li fine observé dans so l’époque fine amène li pou dire ki dans ene contexte semblable jamais Rasouloullah ‎(Sallallaahou A'laihi Wasallam)‎ ti pou autorise banne madames continué vine masjid.

Ça li concernant laisse vini mais à aukene moment pas fine ena campagne pou faire madame vine masjid couma dire li obligatoire lors zotte. Ene campagne pareil li ene campagne anti sounnat et li conte le vœux et désir de nou bien aimé Nabi ‎(Sallallaahou A'laihi Wasallam)‎.

[Extrait de Al Jamiat Vol.5 No.10]