Skip to Main Content Area

Ene dimoune so l'honneur trouve dans so l'honnêteté, so la force dans so sincérité, et so beauté dans so simplicité. Hazrat Mufti Meerun Sahib (Rahimahullah)

Madame

Campagne dans vide

Meilleur namaz ki ene madame faire c'est ça namaz ki li faire à l'intérieur ene coin retiré dans so la caze. C'est ça ki Nabi ‎(Sallallaahou A'laihi Wasallam)‎ so verdict. C'est ça même ki Nabi ‎(Sallallaahou A'laihi Wasallam)‎ ﬁne apprécié. Eski li vaut la peine faire campagne pou réalise le contraire de ceki Nabi ‎(Sallallaahou A'laihi Wasallam)‎ ﬁne apprécié? Dimoune pou trouve ça question-là même ene question bête parceki li inconcevable ki ene musulman capave faire ene campagne pareil.

Madame

L’autorisation banne madames vine dans masjid

C’est ene vérité ki banne madames ti pé vine masjid dans l’époque Nabi ‎(Sallallaahou A'laihi Wasallam)‎. Et c’est ene facteur ki capave servi comme preuve pou autorise madame vine masjid. Mais bizin conné ki ça l’autorisation-là c’était simplement ene autorisation parceki Nabi ‎(Sallallaahou A'laihi Wasallam)‎ ti toujours préfère banne madames faire zotte namaz dans ene coin pli cachiette dans zotte la caze. Dans ene hadice Nabi ‎(Sallallaahou A'laihi Wasallam)‎ fine dire :

Madame

Poison mielleux

Ene l’ennemi c’est ene kikene ki pas oulé ou bien-être ditout. Tanque capave li pou oulé faire ou souffert à tout niveau. Jamais li pou capave guette ou dans contentement. Ou la joie et ou la gaieté pou indispose li. Acoze ça ene dimoune li pas écoute ceki so l’ennemi dire li. Li reste lors so garde. Li évite so l’ennemi à tout prix. Li pas prend narien avec so l’ennemi. A tel point ki li refuse prend ene kitchose ki capave paraite bon aussi zisse acoze la peur ki li capave pé piège li.

Madame

Li vrai …

Li vrai ki dans l’époque Nabi ‎(Sallallaahou A'laihi Wasallam)‎, madame ti pé vine masjid. Si dimoune servi ça comme ene preuve pou laisse madame vine dans masjid, alors li bizin être dans les même conditions ki ti prévaloir dans l’époque Nabi ‎(Sallallaahou A'laihi Wasallam)‎. Mette ene pratique diboute sans respecté so banne conditions li ene genre de tromperie.

Madame

Ene campagne très louable

Faire campagne pou banne madame faire zotte namaz dans ene l’endroit pli cachiette dans zotte la caze, c’est ene façon pou encourage ceki Nabi ‎(Sallallaahou A'laihi Wasallam)‎ fine qualifié de meilleur. Donc c’est ene zeffort louable. Mais si malgré ça, banne madame zotte alle masjid pou faire namaz, zotte pé tourne le dos avec ceki Nabi ‎(Sallallaahou A'laihi Wasallam)‎ fine appelle li meilleur.

Madame

Ene dimoune ki so le cœur reste attaché avec masjid

D’après ene hadice ki trouve dans Sahih Boukhari et Sahih Mouslim, parmi banne dimoune ki pou gagne l’ombrage cote Allah Ta’ala jour Qiyaamah, nou ena ene dimoune ki so le cœur li retse attaché avec masjid.