Campagne dans vide

Meilleur namaz ki ene madame faire c'est ça namaz ki li faire à l'intérieur ene coin retiré dans so la caze. C'est ça ki Nabi ‎(Sallallaahou A'laihi Wasallam)‎ so verdict. C'est ça même ki Nabi ‎(Sallallaahou A'laihi Wasallam)‎ fine apprécié. Eski li vaut la peine faire campagne pou réalise le contraire de ceki Nabi ‎(Sallallaahou A'laihi Wasallam)‎ fine apprécié? Dimoune pou trouve ça question-là même ene question bête parceki li inconcevable ki ene musulman capave faire ene campagne pareil. Mais pourtant ena dimoune pé faire la tète li pied pou faire madame vine masjid. Nou tous conné ki Nabi ‎(Sallallaahou A'laihi Wasallam)‎ recommanne zotte faire zotte namaz dans ene coin retiré dans zotte la caze. Ça recommandation-là li adressé en premier lieu à banne madame dans l'époque Nabi ‎(Sallallaahou A'laihi Wasallam)‎ ki ti envi faire namaz derrière Nabi ‎(Sallallaahou A'laihi Wasallam)‎ dans masjid Nabawi. Ça namaz-là ti ene namaz apart à double capacité : Dans masjid Nabawi et derrière Nabi ‎(Sallallaahou A'laihi Wasallam)‎. Et sans oublié l'atmosphère et climat de piété ki ti prévaloir dans ça l'époque-là. Ene climat de piété inégal et hors paire. Et ça recommandation-là li adressé à banne madames pieuses dans ene climat semblable dans place ene namaz dans ene de banne meilleurs masjid derrière pli grand Insaan et Rasool !! Alors facilement nou capave gagne ene l'idée de l'importance de ça recommandation-là par rapport à banne ki dans nou l'époque. Donc campagne ki pé faire, li ene campagne assez fort mais sans oublié ki li ene campagne dans vide et ene campagne sans bénédiction et sans barakat parceki li ene campagne contre ceki Nabi ‎(Sallallaahou A'laihi Wasallam)‎ fine toujours souhaité et apprécié.

[Extrait de Al Jamiat Vol.7 No.3]