Difficulté dans Deen

Pli ene kitchose li valeureux, pli ou faire face à banne difficulté pou gagne li. Kitchose pli valeureux pou ene dimoune, c’est so imaan et so Deen. Acoze ça li tout à faire normal ki li pou faire face à banne difficultés énormes pou préserve so imaan et so Deen. Mais difficulté dans Deen li couma ça difficulté ki gagné dans mange ene piment bien fort ki faire so néné coulé, so la bouche enflammé et so lizié larmé. Mais ça pas empêche li continué mange piment.

Coumsa même ene dimoune dans Deen li pas arrête pratique Deen acoze certaine difficulté ki li gagné. Au contraire ena des fois li senti ene la joie apart et extraordinaire dans so le cœur quand li conné ki li pé subir tout ça-là acoze so véritable bien-aimé Allah Ta’ala. Tout ceki ene dimoune capave accepté subir acoze ene kitchose ki li content, ene vrai deendaar capave accepté boucou plis ki ça dans l’amour pou Allah Ta’ala.

Difficulté dans dounia li ene difficulté pou ene bien tigite le temps par rapport à la vie éternelle ki ene dimoune ena pou vive dans aakhirat. C’est ça conviction ferme-là ki faire banne difficultés dans dounia vine facile. Mais toujours bizin dimane Allah Ta’ala facilité et le bien-être.

[Extrait de Al Jamiat Vol.5 No.11]