Traverse divant ene mousswali

Pas gagne droit traverse divant ene dimoune ki pé faire namaz même si fallait attane ene bon boute le temps. Ça li pli bon ki traverse divant li. D’après hadice, si ene dimoune ti conne gravité traverse divant ene mouswalli, li ti pou préfère attane 40 ou 100 banané…

L’importance rempli saff

… Mais si ena place dans saaf ki pencore rempli, alors bizin rempli saff, même si fallait traverse divant ene mouswalli pou faire ça. Par cela nou trouvé ki la gravité laisse place vide dans saff li plis ki la gravité traverse divant ene mouswalli. Acoze ça fine autorise remédié le plus grave par commette le mois grave…

Zenfant dans saff grand dimoune

… Acoze ça même li pas bon faire banne zenfant mineur diboute dans saff banne grand dimoune parceki li couma dire pena dimoune dans ça place cote ene mineur fine dibouté et donc saff-là pou couma dire ene place vide. Dans ene façon dire, mette ti zenfant dibouté dans saff grand dimoune li pli grave ki traverse divant ene mussalli et li couma dire laisse place vide dans saff ki Nabi ‎(Sallallaahou A'laihi Wasallam)‎ fine bien pas content ça. Dans ce sens, mette zenfant dans saff grand dimoune li pou pli grave ki traverse divant ene dimoune ki dans namaz.

[Extrait de Al Jamiat Vol.5 No.12]