Apprane bon manière

Tout dimoune ena ene manière ki li fine gagne ça avec lezot dimoune. Manière-là li capave bon couma li capave pas bon.

Bon dimoune ena toujours bon manière. Et ceki mauvais-là, li pou toujours ena ene manière couma li même li été. Donc bizin fréquente bon dimoune pou gagne bon manière. Acoze ça Nabi ‎(Sallallaahou A'laihi Wasallam)‎ fine dire ki ene dimoune li ena tendance suive manière so camarade intime. Donc ene dimoune bizin guette bien ça dimoune ki li pé faire camarade.

Ene dimoune ki content so la santé li pou toujours reste loin avec ene dimoune ki ena ene mauvais malade, par précaution pou pas attrape ça maladie-là. Coumsa même ene dimoune ki content so la santé spirituelle et so Deen, li pou toujours reste dans bon fréquentation au lieu fréquente dimoune ki zotte la marche pas bon.

Celui ki content Allah, li pou garde li en bonne santé spirituellement. Donc faire bon camarade et reste dans bonne fréquentation, c’est ene façon pou montré ki quantité ou content Allah Ta’ala, nou véritable bien aimé.

[Extrait de Al Jamiat Vol.5 No.12]