Grand frère

Grand frère bizin agir couma grand frère dans la caze. Li bizin donne bon l’exemple à banne pli petit ki li dans la caze. Si grand frère même pas conne habille bien, bé ki l’exemple li pou donne so banne ti frères ! Si li même li pou vive dans ‘short’ dans la caze, alors banne tipti-là capave faire plis ki ça. Dans ça cas-là c’est grand frère même ki pou responsable.

Allah Ta’ala fine désigne nou couma grand frère dans dounia ki bizin amène ene la vie exemplaire. C’est grâce à nou négligence ki lezot pas pé conne la vrai façon vive. Lezot pou en tort même cote Allah Ta’ala. Eski nou fine réalisé ki nou aussi nou pou ena ene part de le mal ki lezot fine commette ?

D’après ene hadice, ene dimoune ki introduire ene bon pratique, alors li pou gagne so récompense et récompense de tous banne ki pou suive li là-dans. Coumsa même celui ki propage ene mauvais pratique, alors li pou ena so propre péché et li pou charrié fardeau de tous banne ki pou copié dans ça mauvais travail-là. Alors to bizin prend compte grand frère !

[Extrait de Al Jamiat Vol.5 No.13]