Gravité riba (l’intérêt)

Hazrat Abdullah Bin Mas’oud (‎(Radiyallahou anhou‎)‎) rapporté ki Nabi ‎(Sallallaahou A'laihi Wasallam)‎ fine dire : "Riba (l’intérêt) ena 73 degrés. Le degré le plus inferieur li couma dire ene dimoune pé alle dans ménage avec so maman." (Al-Mustadrak)

Remarque :

Nou bizin prend boucou précaution dans nou banne transaction. Zordi jour l’intérêt fine rente presque partout. D’après nou capacité, nou bizin évité. Non seulement li haraam et ene façon pou déclare la guerre avec Allah Ta’ala, mais li ene pli grand bassesse ki capave existé couma le hadice pé montré. D’après ene hadice rapporté par Hazrat Abdullah Bin Abbaas ‎(Radiyallahou anhou‎)‎ ki trouve dans Al-Moustadrak, ene l’endroit cotte l’adultère et riba (l’intérêt) prend l’ampleur, alors banne habitant là-bas zotte expose zotte avec punition Allah Ta’ala.

Acoze ça non seulement nou bizin évite riba (l’intérêt), nou bizin garde nou distance avec soupçon de riba aussi. Vaut mieux gagne ene tigite halaal dans le plaisir Allah ki gagne boucou dans haraam sous la colère Allah Ta’ala.

[Extrait de Al Jamiat Vol.5 No.14]