Skip to Main Content Area

Ene dimoune so l'honneur trouve dans so l'honnêteté, so la force dans so sincérité, et so beauté dans so simplicité. Hazrat Mufti Meerun Sahib (Rahimahullah)

Transaction financière

L'emprunt ou l'investissement

Souvent nou tanne dimoune fine endetté. Li ti prend la monnaie avec dimoune pou faire roulement. Et finalement li fine faire défaite dans commerce et voilà banne dimoune pé vine dimane li la monnaie. Dans ça cas-là bizin guetté si eski banne dimoune-là zotte ti prête la monnaie ou bien zotte ti investi avec ene marge de profit défini. Si zotte ti prêté, alors zotte ena droit réclame la monnaie ki zotte ti prêté.

Transaction financière

Riba

Ou prête ene dimoune Rs 10,000 pou ene certaine période. Mais ou dire li retourne ou Rs 11,000. Ça Rs 1000 en plis ki ou fine exige li pou donne ou c'est riba. Ça même ki nou appelle li l'intérêt. Banne loan ki banne dimoune prend depi la banque c'est purement riba.

Transaction financière

Gravité riba (l’intérêt)

Hazrat Abdullah Bin Mas’oud (‎(Radiyallahou anhou‎)‎) rapporté ki Nabi ‎(Sallallaahou A'laihi Wasallam)‎ fine dire : "Riba (l’intérêt) ena 73 degrés. Le degré le plus inferieur li couma dire ene dimoune pé alle dans ménage avec so maman." (Al-Mustadrak)

Transaction financière

Revenue haraam

Ene revenue ki ene dimoune gagné à travers ene moyen ki shariah fine defanne c’est ene revenue haraam. Par exemple la monnaie l’intérêt, la monnaie le course, la monnaie loterie, la monnaie ki fine gagné dans joué dans casino, la monnaie coquin, tous ça là li haraam.

Transaction financière

Prend la monnaie prêté

Tanque capave bizin pas prend prêté. Si bizin même, alors bizin cause tout vrai quand pé prend prêté. Faudré pas dire dimoune-là ki ou pé ranne li après ene ou deux semaines quand ou conné très bien ki ou pas pou capave faire li. Ça appelle embette dimoune pou tire la monnaie avec li parceki dimoune-là pé prête ou sous l'impression ki ou pé ranne li bien vite. Et capave li aussi li ena l'engagement envers lezot dimoune. Astere si ou fine embette li, ça pou capave mette li dans ene grand problème et li pou faire li passe mal envers lezot.

Transaction financière

Servi la monnaie l'intérêt

Servi la monnaie l'intérêt li haraam. Servi veut dire servi li dans mangé boire, dans acheté kitchose pou usage personnel ou bien faire construction la caze ou bien toilette. Donc tout ça banne façons servi-là li haraam. Coumsa même li pas permette pou servi ça pou paye l'amende ou bien pou paye taxe. Si ene dimoune fine gagne la monnaie l'intérêt, alors li bizin donne ça à banne dernier misère ki na pena aukene la monnaie halaal pou satisfaire zotte banne nécessité. Faudré pas ene dimoune servi ça pou so besoin personnel.