Transaction financière

Quand acheté ene kitchose, li très important ki fini identifié marchandise ki ou désir acheté couma li important fini fixé ene prix et tombe d’accord lors ça prix-là.

Ena des fois ene dimoune passe magazin pou acheté ene l’article ki pencore fixé so prix. Le commerçant dire ou prend allé et après pou dire ou combien li faire. Ça façon acheté-vendé-là li pas ene façon islamique.

[Extrait de Al Jamiat Vol.2 No.3]

Quand ou prête ene dimoune Rs 100/- et ou exige li pou retourne ou Rs 110/- par exemple, alors ça surplus-là appelle li riba ou bien l’intérêt et ça transaction-là li ene transaction de riba et l’intérêt. Faire transaction ki implique riba ou l’intérêt li ene transaction haraam. Li tellement grave ki Allah Ta’ala appelle ça déclare la guerre avec Allah ek so Rassoul ‎(Sallallaahou A'laihi Wasallam)‎.