Temoignage ene dimoune ki quitte namaz

Ene dimoune li capave honorable dans lizié dimoune parceki li ena grand grand diplôme et li travail dans ene grand poste. Li capave ene dimoune li bien vue dans la société mais si li pena namaz dans so la vie, alors d'après shariah li pena ça valeur ki li ena dans lizié dimoune. So témoignage pas accepté d'après shariah parceki ene dimoune li bizin ene dimoune ki capave faire li confiance pou so témoignage accepté. Ene dimoune ki quitte so namaz li dessane enba sa niveau cote capave faire li confiance et li vine ene dimoune indigne. Et ça li applique pou tout dimoune ki néglige ene faraz ou bien ene wajib ou bien ene dimoune ki ena l'habitude quitte sounnat mou'akkadah. Coumsa même ça li applique pou ene dimoune ki faire péché.

Ça montré ki ene dimoune vraiment digne et honorable c'est ene dimoune ki bien pratique so Deen et ki reste loin avec toute sorte péché.

Li bien chagrinant ki dimoune zotte peur la police et prison. Acoze ça zotte évite faire certaine kitchose. Mais zotte continué faire péché et casse l'ordre Allah Ta'ala. Eski c'est acoze ki zotte pas peur Allah Ta'ala et difé jahanam ou bien acoze ki zotte pas croire là-dans ?

[Extrait de Al Jamiat Vol.6 No.1]