Qaza

Temoignage ene dimoune ki quitte namaz

Ene dimoune li capave honorable dans lizié dimoune parceki li ena grand grand diplôme et li travail dans ene grand poste. Li capave ene dimoune li bien vue dans la société mais si li pena namaz dans so la vie, alors d'après shariah li pena ça valeur ki li ena dans lizié dimoune. So témoignage pas accepté d'après shariah parceki ene dimoune li bizin ene dimoune ki capave faire li confiance pou so témoignage accepté. Ene dimoune ki quitte so namaz li dessane enba sa niveau cote capave faire li confiance et li vine ene dimoune indigne.

Negligence dans namaz

Selon Hazrat Abdullah Bin Mas'oud ‎(Radiyallahou anhou‎)‎ le verset 59 de sourah 19 (sourah Mariam), li faire référence à banne ki pas faire zotte namaz dans l'heure ki bizin faire li. Soit zotte faire li bien tard ou bien zotte renvoye ene namaz dans ene lot l'heure namaz ki nou appelle faire namaz qaza. Selon ça verset-là, Allah Ta'ala dire :

Remplace namaz qui fine manqué

Namaz li obligatoire et li ene pilier fondamental de l'Islam. Bizin faire li dans so l'heure prescrit. Namaz ki ene dimoune pas fine réussi faire pou n'importe ki raison dans so l'heure, li bizin remplace li apres. Banne namaz ki ene dimoune fine négligé pendant toute longue la vie, bizin remplacé. Parceki c'est ene dette envers Allah Ta'ala ki bizin être remboursé. Faudré pas découragé. Necque prend courage et commence remplace li doucement doucement. Ou même ou pou trouvé ki dans ene morceau jour, tous fine fini remplacé.

Faire namaz vine Qaza

Couma namaz li obligatoire, coumsa même li obligatoire pou faire li dans so l'heure prescrit. Par exemple namaz fajar bizin faire li avant ki soleil levé. Si par la paresse ene dimoune li reste dormi et faire so namaz fajar après soleil levé, veut dire li fine faire li après l'heure. Faire ene namaz après l'heure appelle faire namaz vine qaza. Et ça li ene péché majeur si fine faire li sans ene raison valable.

Syndicate content