Ibaadat d’après sounnat – vrai l’amitié pou Nabi ‎(Sallallaahou A'laihi Wasallam)‎

Vrai l’amitié pou Nabi ‎(Sallallaahou A'laihi Wasallam)‎ li trouve dans suive Nabi ‎(Sallallaahou A'laihi Wasallam)‎. Pli ene dimoune ena l’amitié avec Nabi ‎(Sallallaahou A'laihi Wasallam)‎, pli li pou ena sounnat de Nabi ‎(Sallallaahou A'laihi Wasallam)‎.

Ene ibaadat li valable quand ena sincérité là-dans. Mais sincérité tout seul pas sufi. Faudré faire li d’après sounnat de Nabi ‎(Sallallaahou A'laihi Wasallam)‎. Et ça li appliqué dans tout ibaadat. Ene ibaadat ou ene pratique li capave paraite bien joli mais li pas pou acceptable dans lizié Allah Ta’ala tanque ki pas faire li d’après principe et sounnat de Rasouloullah ‎(Sallallaahou A'laihi Wasallam)‎. Donc vrai l’amitié pou Rasouloullah ‎(Sallallaahou A'laihi Wasallam)‎ li pas trouve dans dire ki ou content li mais li trouve dans suive so principe et so sounnat. Nabi ‎(Sallallaahou A'laihi Wasallam)‎ fine dire :

« Celui ki content mo sounnat, li fine ena l’amitié avec moi et celui ki ena l’amitié pou moi li pou dans jannat ensam avec moi. »

[Extrait de Al Jamiat Vol.6 No.7]