Masah lors chaussette

En principe li faraz pou lave li pied dans wazou. Mais si ene dimoune ena chaussette dans so li pied, alors dans certaine cas li pas obligé tire so chaussette pou lave so li pied. Li capave faire masah (passe la main mouillé) lors so chaussette au lieu lave so li pied. Mais ça l’autorisation-là li pas applique pou tout qualité chaussette. C’est ene chaussette spéciale. En principe li faire en cuire et li appelle Khuff. Ça l’autorisation-là li capave applique aussi pou ene chaussette ki faire avec ene tissu épais impé pareil couma cuire acoze so l’épaisseur. Mais li pas applique pou ene chaussette ordinaire ki nou servi zordi jour.

Ena place banne imam zotte contente zotte avec masah lors banne chaussette ordinaire. Par précaution bizin pas faire namaz derrière banne imam pareil. Namaz c’est ene pilier fondamental de l’Islam et ene forme de ibaadat très important. Nou pas capave prend ene risque pareil cotte nou capave perdi li même. Donc bizin evite faire namaz derrière banne imam pareil. Plitot ou faire ou namaz individuellement séparé cotte ou sure ki ou namaz li valable.

[Extrait de Al Jamiat Vol.6 No.8]