Wouzou

Masah lors chaussette dans wazou?

"يايها الذين آمنوا اذا قمتم الى الصلاة فاغسلوا وجوهكم وايديكم الى المرافق وامسحوا برءوسكم وارجلكم الى الكعبين ..." (آية ٦ - المائدة)

"O banne ki fine amène Imaan, quand ou décide pou alle faire namaz, lave ou figure et (lave) ou la main ziska coude et faire masah lors ou la tête et (lave) ou li pied ziska cheville …"  (V6/ S Al-Maidah)

Explication:

Tahaarat dans namaz

Ene dimoune li bizin ena tahaarat (propreté) complète pou so namaz compté. C'est-à-dire li bizin ena ghusal et wazou tout les deux. Ceki essentiel dans ghussal ceki li bizin mouille entier le corps en sorte ki narien pas reste sec. En sus de ça li bizin gargarisé et mette de l’eau dans narine. En ceki concerne wazou, essentiellement li bizin lave so figure, so deux la main ensam avec coude, faire masah (passe la main mouillé) lors la tète et lave tout les deux lipied ensam avec cheville.

Masah lors chaussette

En principe li faraz pou lave li pied dans wazou. Mais si ene dimoune ena chaussette dans so li pied, alors dans certaine cas li pas obligé tire so chaussette pou lave so li pied. Li capave faire masah (passe la main mouillé) lors so chaussette au lieu lave so li pied. Mais ça l’autorisation-là li pas applique pou tout qualité chaussette. C’est ene chaussette spéciale. En principe li faire en cuire et li appelle Khuff. Ça l’autorisation-là li capave applique aussi pou ene chaussette ki faire avec ene tissu épais impé pareil couma cuire acoze so l’épaisseur.

La propreté

Shariah fine mette boucou l’emphase lors la propreté. Dans Quraan-e-Kareem, Allah Ta’ala dire:

“... Et Allah content banne ki garde zotte bien propre” (S9/V108)

Dans ene hadice Rassouloullah ‎(Sallallaahou A'laihi Wasallam)‎ fine dire:

“..... Allah li pure, li content la pureté. Li propre, li content la propreté”. (Tirmizi)

Masah lors chaussette ordinaire

Ena quatre kitchose ki fine ordonné pou faire dans wazou d'après Qour'aan-e-Kareem. Donc ena quatre kitchose ki faraz dans wazou:

  1. Lave figure,
  2. Lave tous les deux la main ensemble avec coude,
  3. Lave tous les deux li pied ensemble avec cheville et
  4. Faire masah lors la tête.

N.B: Faire masah veut dire passe la main mouillé.

Touche Qour’aan sans wazou

Question :

Est-ce ki gagne droit touche Qour’aan sans wazou ?

Massah lors li cou

“Faire masah lors li cou, li pas recommandé ni li ene sounnat. Ene banne ‘Oulamaa fine dire ki li sounnat. Donc, au moment ki ena divergence de l’opinion vaut mieux faire massah ki pas faire li.” (Qazi Khan décédé en 592 Hijri)

[Extrait de Al Jamiat Vol.1 No.11]

Syndicate content