Vive pou Allah Ta’ala

Tout dimoune ena ene but dans so la vie et chakene pé faire zeffort pou atteine so but. Li dépense so l’énergie, so richesse et so le temps pou réalise so but. Et la vie-là aussi so valeur li dépanne lors ceki li vini finalement. Ene dimoune li dépense dix banané pou vine ene médecin et ene l’autre li dépense ça même quantité le temps pou li vine ene tôlier ou ene mécanicien. Donc ene so la vie li paraite pli valeureux ki so camarade.

Vive pou Allah Ta’ala aussi li ene but. Et ça but-là li pli noble ki tous banne buts. C’est ene but ki pli valeureux dans l’existence ene dimoune. Pena aukene but ki capave ranne la vie ene dimoune pli valeureux ki ça but-là. Si ou fine dépense tout ceki ou ena zisse pou atteine ene tigite de ça but-là, alors li encore bon. Parceki so l’effet li pou reste pou tout le temps. Li pou reste avec ou lors ça le monde-là. Li pou suive ou dans ou qabar et li pou accompagne ou ziska dans akhirat.

Donc pena aukene kitchose ki capave ranne ou la vie et ou l’existence valeureux. Li pou vine valeureux uniquement quand ou dépense li dans vive pou Allah Ta’ala. Vive pou Allah Ta’ala veut dire vive la vie-là dans l’obéissance Allah Ta’ala d’après les principes de Rasouloullah ‎(Sallallaahou A'laihi Wasallam)‎. Par contre tourne le dos avec Allah Ta’ala et pas suive deen li pou ranne ou la vie amère et misérable. Difficulté dans qabar et dans akhirat li apart.

[Extrait de Al Jamiat Vol.6 No.8]