Doucement et fort

Ene imam li bizin lire qiraat à haute voix dans banne namaz fajar, maghrib et esha. Li bizin ene quantité fort ki permette banne muswalli dans premier saff tendé ceki li pé lire. Faudré pas li lire fort plis ki bizin. Li bizin réglé so qiraat d’après la quantité muswalli. Li pas chic pou lire ene coup trop fort si ena bien tigite muswalli ki pas rempli ene saff aussi. Lire ene quantité fort ki fatiguant pou li ou bien ki donne lezot difficulté, li pas ene bon façon.

Ene dimoune ki faire namaz tout seul, li gagne droit lire à haute voix dans banne namaz ki lire fort mais li ena aussi le choix pou lire doucement. Mais lire doucement-là pas veut dire lire dans le cœur. Ena des fois ou capave remarque banne dimoune ki zotte la lèvre pas bouge ditout. Sa signifié ki zotte pas lire. Pourtant cotte bizin lire, là-bas lire dans le cœur li pas valable ni li compté. Au moins bizin lire ene quantité fort ki li même li capave tendé. Et ça qualité lire-là li réalisé par mouvement la bouche et la lèvre. Donc ene lire cotte la lèvre pas bouge ditout li couma dire pas fine lire même. Donc namaz-là aussi pas pou compté.

Coumsa même quand pé commence namaz bizin prononce takbeer avec ene la voix ki li même li capave tendé. Sinon so namaz même pas pou commencé. Donc tout ceki li pou lire et faire après, li pou dans vide.

Ça principe-là li appliqué aussi quand pé lire bismillah pou faire zabah. Faudré lire li ene quantité fort ki li même li capave tendé. Sinon li pou couma dire pas fine lire même bismillah et li pas pou permette consomme ça la chair-là.

[Extrait de Al Jamiat Vol.6 No.14]