Deendaar et douniadaar

Douniadaar c’est ene ki garde dounia dans so le cœur. Ene le cœur ki rempli avec dounia li couma ene bateau ki rempli avec delo ki faire li coulé.

Ene dimoune ki content et galoupe derrière dounia, li sacrifié tout ceki vine ene obstacle dans so chemin. Arrive ene point cot li capave tourne le dos avec so Khaliq (créateur) aussi. Finalement li perdi partout parceki quand li quitte dounia, li alle la main vide. Et aakhirat-là ti déjà pas dans so compte.

Ene Deendaar c’est ene ki content Allah et so Rasool ‎(Sallallaahou A'laihi Wasallam)‎ plis ki tout kitchose. Li accepté ça dounia-là tanque ki ça dounia-là pas vine ene barrière ou ene obstacle dans la voie vers Allah et so Rasool ‎(Sallallaahou A'laihi Wasallam)‎. Ene dounia ki empêche vine vers Allah et so Rasool ‎(Sallallaahou A'laihi Wasallam)‎ c’est ene dounia maudit ki ene vrai Deendaar conne toujours reste à l’écart de ça. Li quitte ene tigite narien ditout pou gagne bien boucou. Pli grand imbécile c’est ça douniadaar ki sacrifié ceki eternel acoze ene tigite ki li pou jouir pou bien tigite le temps.

[Extrait de Al Jamiat Vol.7 No.11]