Muttaqui et Faassiq

Ene faassiq c’est ene personne ki commette ene péché. Dans la même façon, ene personne ki persisté lors ene péché mineur aussi li vine ene faassiq. Ene dimoune li dénigré li même par commette péché et li ranne li indigne. Li montré li ki li sans pudeur. Acoze ça, ene dimoune semblable so témoignage li pas acceptable. Li bien chagrinant ki ene dimoune ki capave être ene l’honorable dans lizié dimoune mais le pena valeur dans lizié Allah Ta’ala.

Vrai l’honneur c’est ça l’honneur ki ene dimoune ena dans lizié Allah Ta’ala. C’est ene l’honneur ki personne pas capave prend ça.  Ene l’honneur resté et ki dans sire. De ce fait véritable l’honorable li pas ça dimoune ki dimoune prend li lors zépaule en triomphe mais c’est ene mouttaqui ou bien ene dimoune ki sérieux dans Deen. Ene dimoune sérieux dans Deen c’est ene personne ki assume so devoir envers so Créateur et so semblable selon les principes enseignés par Rasouloullah ‎(Sallallaahou A'laihi Wasallam)‎.

Ceki ene dimoune li cherché dans dounia à travers so banne zefforts li capave gagne li dans ene façon pli efficace par être mouttaqui. Parceki Allah Ta’ala fine promette pou accorde ene la vie très agréable à celui ki pratique so Deen. Li fine donne li l’assurance ki li pou résoudre so banne problèmes et li pou accorde li ceki li bizin dans ene façon ki li pas attane. Narien pas impossible ou difficile pou Allah Ta’ala. Li ena capacité faire difficile vine facile. Impossible vine possible. Li ena capacité faire défavorable vine favorable. Tout ceki nou bizin li trouve dans la main Allah Ta’ala.

فسبحان الذى بعده ملكوت كل شئ

« Gloire à celui ki contrôle de tout kitchose trouve uniquement dans so la main… »

Ena ene seul façon pou gagne ça. Necque vine mouttaqui. Après ça tout pou dans l’ordre.

اللهم اسعدنا بتقواك ولا تشقنا بمعصيتك

« O Allah, Honore nou par reste dans To soumission. Et pas ranne nou malheureux par to désobéissance. »

[Extrait de Al Jamiat Vol.7 No.4]