Ena pli joli ki ça !!!

Ou pé trouve ene kikene ki pé assise lors ene branche. Ou gagne l’idée pou faire li di tort. Ou tente pou faire coupe ça zarbre là-même. Mais heureusement à temps ou fine arrivé réalisé ki ou aussi ou pé assise lors ene l’autre branche de ça même zarbre-là. Sinon ti pou ena grand malheur. Dans coule bateau kikene, ou ti pou alle noye ou même. Fodé pas nou souhaite malheur kikene. Fodé pas faire kikene ditort. Ki conné ou bien être trouve dans bien être ça kikene ki ou pé envi faire li ditort. Eski li sage pou faire ou même ditort ? Définitivement non mais sans conné dimoune faire li même ditort dans faire kikene ditort. Donc ene dimoune li vine so propre l’ennemi quand li pas conne agir bien avec so prochain.

Quand ene dimoune agir bien avec so prochain et li souhaite so bien être, alors en réalité li pé ranne li même ene grand service. Parceki ça agir bien-là apporte li so bien être dans dounia et dans akhirat. Quand ene dimoune faire douah pou so prochain, Allah Ta’ala li fixé ene farishta ki dire ameen lors so douah et li dire « ki to aussi to gagne pareille ». C’est-à-dire si ene dimoune li faire douah pou kikene so bien être, alors farishta li faire douah pou ça dimoune ki pé faire douah-là. Ena pli joli ki ça !

[Extrait de Al Jamiat Vol.7 No.7]