A noter

A noté ki ena divergence concernant le cas cote ene madame tombe enceinte par zina avec ene missié et après ça, madame-là alle faire nikah avec ene l’autre missié. Eski madame-là gagne droit faire nikah avec ene l’autre missié ou bien pas gagne droit ? Imam Abou Yousouf (R) dire ki li pas gagne droit. Imam Abou Hanifa (R) et Imam Mouhammad (R) dire ki gagne droit faire nikah mais pas gagne droit alle dans ménage tanque pas fini accouché parceki zenfant- là pas pou ça missié-là ça. Selon ene hadice ki trouve dans Tirmizi et Abou Dawood, Rasouloullah ‎(Sallallaahou A'laihi Wasallam)‎ fine dire : « Celui ki ena Imaan lors Allah et lors dernier jour du jugement, alors faudré pas so de l’eau arrose plantation ene l’autre dimoune. » Selon banne Oulama ça hadice-là li applique pou ene madame enceinte ki alle marié avec ene l’autre missié ki pas fine faire ça acte-là.

Mais si la personne ki fine commette l’acte-là même pé faire nikah, alors sans aukene divergence d’après Imam Abou Hanifah (R), Imam Abou Yousouf (R) et Imam Mouhammad (R), li gagne droit faire nikah et li gagne droit aussi alle dans ménage.

[Extrait de Al Jamiat Vol.7 No.10]