Le moyen pli efficace

Le moyen pli efficace pou gagne l’aide avec Allah Ta’ala c’est pas faire péché et pas désobéir Allah Ta’ala. Ene dimoune ki désobéir Allah Ta’ala li éloigne li avec Allah Ta’ala. Par contre ene ki reste dans l’obéissance Allah Ta’ala li rapproche li avec Allah Ta’ala.

Tout ceki ene dimoune gagné comme le bien être et le succès en général, ça li pas trouve aukene part. Li trouve uniquement dans la main Allah Ta’ala. Donc bizin cherche li par rapproche avec Allah Ta’ala. Ça rapprochement-là li concrétisé et réalisé par reste dans l’obéissance Allah Ta’ala. Par obéir Allah Ta’ala, ene dimoune li arrive dans ene stage cote li trouve tous so banne chemin ouvert. Li gagne ceki li dimandé. Li reste protégé sous ene protection spéciale et apart de la part Allah Ta’ala.

Faire péché li invoque la malédiction divine et li vine ene barrière ki empêche ene dimoune so dua accepté. Donc bizin dresse la vie par faire tawbah et faire Istighfaar. Prend décision ferme pou reste dans l’obéissance Allah Ta’ala. Là-dans même ena vrai succès et la réussite réelle. Allah Ta’ala dire dans Qur’aan-e-Kareem :

« … Et celui ki observe taqwa concernant Allah Ta’ala, Li tire ene chemin sorti pou li et Li accorde li (so banne nécessités) depi cote li pas attane. Et celui ki place confiance dans Allah, alors Li suffit pou li … ». (V2-3/S65)

[Extrait de Al Jamiat Vol.7 No.14]