Ene pas justifié l’autre

Li tout à fait normal pou ene dimoune rode défaut de ene ki tire défaut avec li. Mais eski ça l’attitude ki nou considère li normal-là li normal d’après shariah ? Avant repone ça question-là li bon nou prend note de ene principe.

Si ena dimoune ena ene défaut dans li, alors pas capave justifié li acoze ene défaut ki ene l’autre dimoune ena. Ene dimoune sincère pou toujours considère manquement ki li ena au lieu justifié li lors la base ki ene l’autre dimoune li ena défaut pli grave ki ça. C'est-à-dire le fait ki ene dimoune li dans l’alcool li pas ene justification pou ene l’autre consomme la drogue. Ça principe-là li applique pou banne problèmes personnel. Quant à banne discussion concernant banne sujets de Deen, ça li ene argument assez valable. Par exemple si ene dimoune critique ene kitchose ki fine mentionné dans ene certaine livre, alors capave rétorque li en disant ki ça kitchose-là li trouve bel et bien dans livre ene ‘aalim ki li ena admiration pou li. C'est-à-dire couma ene anecdote li vine critiquable zisse acoze li trouve dans mo livre et ça même kitchose li passe inaperçu quand li trouve dans ene livre de ene kikene ki dans ou bord !!! Ene personne intellectuellement honnête pas faire banne gaffes et bavures similaire.

[Extrait de Al Jamiat Vol.7 No.14 &15]