Premier mi-temps/2eme mi-temps

Dounia li couma dire premier mi-temps et aakhirat c’est deuxième mi-temps. Ene ki gagné dans premier mi-temps, li pas nécessaire ki li pou pareil dans deuxième mi-temps aussi. Combien ena ki zotte situation paraite favorable dans commencement mais dans la fin li détérioré pou termine avec ene grand l’échec. So le contraire aussi li bien vrai. C'est-à-dire ena ki so situation bien pas bon dans commencement mais li faire miracle dans la fin avec ene victoire fracassante.

En ceki concerne échec et victoire, nou bizin prend en considération les deux parties. Premier mi-temps et deuxième mi-temps. Similairement nou bizin prend en considération dounia et aakhirat. Le deuxième mi-temps pou décide ceki ou été. Ou ene gagnant ou bien ou ene perdant.

Ene ki gagnant dans aakhirat même ki le vrai gagnant. Pou commencé ene vrai gagnant c’est ene ki fine quitte ça dounia-là avec imaan. Sinon ou capave être n’importe ki sanla lors ça la terre-là mais si malheureusement ou fine échoué dans aakhirat par quitte ça dounia-là sans imaan, alors pena doute ou ene dernier malheureux parceki souffrance-là li pou ene souffrance eternelle.

Faudré pas kikene pensé li à l’abri de ça. Bizin toujours continué faire zeffort et dimane pardon Allah Ta’ala. Bizin toujours être vigilant apropos nou comportement et corrige cote li dimane correction et améliore cote bizin amélioré.

[Extrait de Al Jamiat Vol.8 No.1]