Position ene aalim dans la société

Ene aalim dans la société li couma ferraille dans béton ou bien colonne vertébrale dans le corps ene dimoune. Ene lion dans la cour quand même li capave inactif mais li pou ene moyen pou empêche banne envahisseurs envahir ça la cour-là. Li ene protection, ene sécurité et ene garantie. Coumsa même ene aalim li ene garanti pou la bonne marche de ene société en ceki concerne Deen. So présence même dire boucou. Li capave pé paraite pas pé faire narien mais acoze so présence, ene quantité ki envi faire kitchose ki pas bizin pas capave faire narien. Nou bizin profite l’occasion et bénéficié pleinement. Agir mal avec ene aalim li ene façon pou ouvert la porte de l’égarement. Amoins si ene aalim commence dérapé. Dans ça cas-là nou bizin pas suive li. Par exemple si ene aalim vine empêche ou suive Imam Abou Hanifah (R) et l’autre coté li impose so recherche et so idéologie, alors bizin tourne le dos avec li. Coumsa même si kikene so recherche amène li pou dire ki hidayat pas trouve dans la main Allah Ta’ala, alors ça c’est shirk. Li ene égaré ! Bizin arrête suive li.

[Extrait de Al Jamiat Vol.8 No.2]