Ene connaissance valable

Ene connaissance valable c’est ene connaissance ki dessane et pénétré dans le cœur et ki développe la frayeur Allah Ta’ala. Quand ça dessane dans le cœur, li empêche la personne faire le contraire de ceki li conné. Acoze ça ene vrai aalim c’est ene personne ki applique so connaissance avec toute l’honnêteté et sincérité par la frayeur Allah Ta’ala ki li ena dans so le cœur. Li pas hésité pou cause la vérité. L’amitié, camaraderie ou bonne relation avec kikene pas empêche li cause la vérité. Ceki li faire, li faire li pou Allah Ta’ala. Li faire li quand même ça ranne li impopulaire et parfois détestable au prés de so banne bon camarade. Li accepté sacrifié so popularité, so l’amitié et ziska même so réputation pou le plaisir Allah Ta’ala.

Ki pou faire avec ene réputation ki bloque ça chemin ki amène ou vers Allah Ta’ala !

 [Extrait de Al Jamiat Vol.8 No.2]