L’équilibre dans la société

Insaan pas fine crée ça le monde-là. Donc pas insaan ki pou capave décidé couma ça le monde-là bizin roulé. Et insaan même pas fine crée par li même. Li ena ene créateur ki fine donne li l’existence. C’est le créateur suprême même ki bizin décidé couma ça insaan-là bizin vive lors ça la terre-là. Insaan fine commette ene grave erreur. Li fine prend li comme propriétaire de ça le monde-là. Li fine prend li comme l’administrateur de ça le monde-là. Pourtant ena ene Créateur Suprême pou tout ceki nou trouvé devant nou et pou tout ceki nou pas conné. Ena ene manuel de la part de ça Créateur Supreme-là ki donne l’humanité ene indication nette et claire sans aukene ambigüité pou la façon ki insaan bizin vive lors ça la terre-là. Mais insaan fine tourne le dos avec ça et li fine prend la responsabilité pou administré ça le monde-là d’après banne principes ki li même fine établir.

Insaan so connaissance li limité. Li impossible pou li conne par li même ceki bon ou bien ceki mauvais pou li. Li pas infaillible. Donc so plan et so projet et so banne principes aussi ena ene quantité faille et manquements. Li remédié ene problème par occasionne ene série de problèmes. Par exemple dans donne droit ene belle-mère li arrivé lèse droit ene belle-fille et vice versa. Li pas donné cote bizin donné et li donne plis ki bizin quand li donné. Ça li crée déséquilibre et c’est ene élément ki déstabilise la société. La seule façon et le moyen indispensable pou amène l’équilibre dans la société c’est Deen.

[Extrait de Al Jamiat Vol.8 No.2]