Le remede

Ene problème li dimane être remédié. Mais d’abord bizin conne le problème et ensuite le remède. Et ça aussi li important ki ena la possibilité pou dispose le remède à ça problème-là dans l’état et dans l’endroit cote li été. Ena des fois ou capave ena tous les moyens mais ena banne obstacles ki empêche ou servi banne moyens ki dans ou disposition. Similairement ene personne avec ene statu de chef d’état aussi capave ena ene désir ardent pou aide ou mais li aussi li capave ena banne contraintes. Li pou ena l’opposition, conseil des ministres, le public et convention internationale et ene série de problème administratif pou surmonté avant li capave réalise ceki li pé pense pou faire. Allah Ta’ala li unique et li ena connaissance de tout kitchose. Li ena tout pouvoir et capacité pou réalise ceki li oulé. Li pena aukene parlement, conseil de ministre ou kit instance pou faire avalisé ou faire approuvé ou ratifié. Allah Ta’ala li indépendant. Li pas bizin narien. Tout bizin li. Li pena aukene contrainte. Acoze ça bizin plaigne nou la misère avec Allah Ta’ala. Tout ceki nou ena et tout ceki nou gagné, li vine de coté li même. Li même ki ena solution de tout problème et c’est li tout seul ki capave remédié tout problème. Acoze ça nou bizin toujours renforci nou contact avec Allah. Ça contact-là li renforci par exécute so banne commandements d’après le mubaarak tareeqah de Nabi ‎(Sallallaahou A'laihi Wasallam)‎.

[Extrait de Al Jamiat Vol.8 No.2]