Etre positif

Li pas ene déshonneur si kikene dire ou ki ou dans l’erreur. Ene médecin li pas faire kikene ditort si li dire li ki li ena cancer. Parceki li pas mette cancer avec li. Necque li montré li ça maladie ki ena dans li. En réalité li pé ranne li service. Coumsa même pé attire ou l’attention vers manquement ki ou ena dans ou. Si ou pé alle préside ene cérémonie et ene kikene dire ou ki ou fine taille ene seul coté moustache, alors eski ou bizin en colère ou bien ou bizin remercié li ?

Coumsa même si dimoune faire ou conne ou erreur, alors faudré pas vexé. Ça vexation-là vine apartir la tête dur ou bien apartir l’orgueil. Et tous les deux néfaste et dangereux pou ou l’avancement spirituel. Acoze ça bizin prend li dans ene façon positive.

[Extrait de Al Jamiat Vol.8 No.2]