Dua

Si nou trouvé ki nou pas pé gagne ceki nou pé dimandé, alors faudré pas nou arrête dimandé. Parceki dua li non seulement ene ibaadat mais l’essence et la crème même de ibaadat. Malgré nou trouvé ki nou pas pé gagne ceki nou pé faire dua pou gagné, nou pé gagne récompense de faire dua. Si nou trouvé ki pas pé gagné, ça c’est ceki nou pé guetté. Sinon dua ki nou dimandé, li accepté dans plizir formes.

Nou même nou pas conné ceki nou pli bizin. Allah Ta’ala li conné. Alors Allah Ta’ala li donne nou ceki pli bon pou nou au lieu donne ceki nou pé dimandé. D’après connaissance Allah Ta’ala, li capave ene kitchose ki pas favorable. Nou travail c’est talle la main dimandé. Apres ça nou laisse tout dans la main Allah Ta’ala. Allah Ta’ala li extra content avec ça action talle la main couma ene charitable et ene dernier mendiant devant li.

[Extrait de Al Jamiat Vol.8 No.3]