Sadaqah ou Hajj nafil

Faire sadaqah li meilleur ki faire nafil hajj. Ça c’était l’opinion de Imam Abou Hanifah (R) auparavant. D’après banne Ulama, ça signifié ki ene dimoune li donne dans la charité la somme ki li ti pou dépensé dans nafil hajj li meilleur ki li accomplir nafil hajj. Mais quand Imam Abou Hanifah (R) fine faire hajj cote li fine expérience banne difficultés dans voyage et dans accomplir hajj, alors li fine change so avis et finalement li fine donne fatwa en faveur supériorité hajj nafil lors sadaqah. D’après banne Ulama, ceki Imam Abou Hanifah (R) fine dire en deuxième lieu, li pas ene verdict ki applique en général dans tous banne circonstances. Par exemple dépense la somme pou aide banne ki dans difficulté capave pèse pli lourd ki hajj nafil. Similairement vine en aide à banne dimoune pieux et descendants de Nabi ‎(Sallalaahou Alaihi Wasallam)‎ ki dans difficulté li pou boucou pli bon ki hajj nafil. Ena dimoune capave gagne difficulté pou comprend ça masla-là. Li tout à fait normal parceki ena banne kitchose ki ena so banne dimoune pou comprend li. Li pas à la porté de tout un chacun.

Ene kitchose capave paraite simple mais ena banne circonstance cote li capave vine boucou pli important ki ene kitchose de valeur. Donc c’est le contexte et la circonstance ki définir et mesure la valeur ene kitchose. Ene verre delo pou ene dimoune ki soif dans désert pou dépasse énormément la valeur de ça la chaine en or, diamant et perle ki appendant dans so li cou.

Similairement chaque action ena so mérite d’après so contexte. Hajj nafil et sadaqah aussi zotte ena zotte mérites ki nou conné. C’est circonstance et situation ki pou donne priorité ene lors lot. Mais ça décision-là c’est banne ki ena la connaissance de Deen ki capave prend. Li pas travail banne ki frêle et fragile dans connaissance de Deen.

[Extrait de Al Jamiat Vol.8 No.4]