Hajj

Faire sadaqah li meilleur ki faire nafil hajj. Ça c’était l’opinion de Imam Abou Hanifah (R) auparavant. D’après banne Ulama, ça signifié ki ene dimoune li donne dans la charité la somme ki li ti pou dépensé dans nafil hajj li meilleur ki li accomplir nafil hajj. Mais quand Imam Abou Hanifah (R) fine faire hajj cote li fine expérience banne difficultés dans voyage et dans accomplir hajj, alors li fine change so avis et finalement li fine donne fatwa en faveur supériorité hajj nafil lors sadaqah.

Fine rapporté depi dans ene livre ki appelle Al- Musaamaraat ki ene personne fine décide pou alle faire hajj. Alors li fine prend 1000 Dinar pou faire préparation. En route ene madame fine zoine li et fine dire li ki li ene descendant Nabi ‎(Sallallaahou A'laihi Wasallam)‎ et ki li dans le besoin. Alors la personne fine dévide tout ceki li ti ena avec li et li fine donne ça madame-là. Quand banne haji commence retourné, tout ceki li pé zoine pe dire li :

تقبل الله منك

Ene personne fine vine cote Bishr Bin Al-Harith (R) et fine exprime so l’intention de hajj. Quand Bishr (R) fine dimane li, li dire ki li fine économise 2000 dirham pou ça projet-là. Bishr (R) fine dimane li ki to but été par alle faire hajj ? Eski to pé faire ça pou to exprime to la piété ou bien to l’amour ardent pou Ka’bah ou bien pou cherche plaisir Allah Ta’ala ? Li dire ki li pé faire ça pou le plaisir Allah Ta’ala. Lors ça Bishr (R) dire li bé mo montré toi ene moyen par lequel to capave gagne ceki to pé rodé, assizé dans la caze.

Question:

Eski ene madame capave alle faire hajj avec so belle-mère so frère, c'est à dire so missié so mamou?

Réponse:

Non, li pas capave allé parceki si so missié quitte li, li pou gagne droit marié avec so missié so mamou. Donc li pas ene mahram. A noté ki ene mahram c'est ene kikene ki ene madame pas gagne droit marié avec li jamais.

[Extrait de Al Jamiat Vol.3 No.6]