Aqeedah

Wahdatul-Woujoud et Taqdeer (destin)

D'après Qour'aan-e-Kareem et hadice de Nabi ‎(Sallallaahou A'laihi Wasallam)‎, ene bon musulman bizin pas engage li dans kit activité inutile.

Ene commentaire anti Sunnah ?

“Pour qui ene dimoune faire 12 jours swalaat avec ene seule wudu, sa veut dire qui pendant sa 12 jours-la li pas fine uriné, ni li fine alle laselle ni l’air fine sorti de li et ni li fine dormi …..”

Ça c’est ene commentaire ki kikene fine faire pou contesté ene anecdote ki trouve dans Fazail-e-Namaz de Hazrat Sheikh Zakariyyah (R). Selon ça anecdote-là, ene personne ti faire tous namaz avec ene seul wazou pendant 12 jours.

Du feu l'enfer

Du feu l'enfer li 70 fois pli intense ki du feu dans dounia. Dimoune ki pou gagne ene punition pli faible et pli léger, c'est ene dimoune ki pou gagne pou mette ene soulier ki faire avec du feu. So la cervelle pou bouille avec so chaleur. Acoze ça nou bizin toujours dimane protection Allah Ta'ala contre so punition et contre du feu l'enfer.

Valeur imaan

Ene-ene ti boute de ça Imaan-là li tellement valeureux ki li capave faire ou gagne ene confort et salut éternel. Ene dimoune li gagne le salut éternel quand li arrête gagne problème ou kit tracas. Li senti li complètement gai, joyeux et dans bien. Ene ti dernier Imaan narien du tout aussi ena le potentiel faire ou gagne ça salut-là. C'est ene salut ki entier le monde so fortune pas capave acheté. Dans ce sens, ça ene ti boute narien ditout-là li pli précieux ki entier le monde so fortune.

Imaan

Imaan li la clé de tout succès. Sans imaan  perna succès. Ene succès ki ene dimoune li gagné sans imaan, c’est ene succès temporaire. Nom de dire li ene succès parceki li couma dire ene dimoune ki pé gagne tout facilité pendant la nuit et ki le matin li pé alle pendi. Ceki li fine gagné li pas représente narien divant ça problème ki pé attane li gramatin. Dans la même façon, si nou trouve kikene dans bien malgré ki li perna imaan, alors c’est ene progrès et bien-être temporaire pou quelque temps.

Prononce banne parole de kufr dans badinage

Prononce banne parole de kufr dans badinage aussi faire ene dimoune vine kaafir. Bizin faire bien attention. Faudré pas cause causé ki ena kufr dans plaisanterie ou dans badinage. Ça li tellement grave ki Shariat pas fine tolère dire li dans badinage aussi.

[Extrait de Al Jamiat Vol.2 No.12]

Habeebullah (le bien-aimé d'Allah)

Nou Nabi Hazrat Mouhammad ‎(Sallallaahou A'laihi Wasallam)‎ li Allah Ta'ala so bien-aimé. Acoze ça nou appelle li Habeebullah aussi. Quand li le bien-aimé Allah Ta'ala, alors li bizin le bien-aimé de tous musulmans aussi. Donc nou Nabi ‎(Sallallaahou A'laihi Wasallam)‎ li nou Habeeb (bien-aimé).

Syndicate content