Aqeedah

Beauté de l’Islam

Nou bizin guette beauté de l’Islam dans so globalité et so l'ensemble. Si nou guette so banne la loi séparément, nou pas pou trouve li. Au contraire ça pou induire nou dans l’erreur ki pou faire nou mal juge l’Islam.

L’appel à banne ki fine quitte zotte Deen

Dimoune ki fine quitte Deen et fine rente dans la religion banne kaafir, alors zotte capave re-retourne dans zotte Deen ki zotte ti été auparavant. Tanque zotte lizié pé encore batté, zotte encore ena chance repentir et re-attrape l’Islam. Allah Ta’ala li grand Pardonneur. Li pou pardonne zotte si zotte sincère. Ça li applique pou même ene dimoune ki fine gagne boucou le temps depi ki li fine quitte Deen. Faudré pas blié ça causé ki dire “Tanque ena la vie, ena l’espoir”.

L’état d’esprit ene vrai musulman ?

Le chef d’état romain fine propose Hazrat Abdullah Bin Huzafah ‎(Radiyallahou anhou‎)‎ pou vine chrétien et fine promette li, ki li pou partage so royaume et so pouvoir avec li. La réponse de Hazrat Abdullah Bin Huzafah ‎(Radiyallahou anhou‎)‎, li faire le cœur chaque musulman vibré de joie et de goût pou vive comme ene “imaandaar” (vrai croyant) ziska so dernier soupir. En réponse li fine dire :

Autorise ene kikene vine ene kaafir

Autorise ene musulman vine ene kaafir li ene acte de kufr ki faire la per­sonne vine ene kaafir. Li vrai ki l'Islam pas fine force kikene embrasse l'Islam. Mais ça aussi li vrai ki jamais li fine tolère ene musulman change so la religion. Ene musulman ki renonce l'Islaam appelle ene Mourtadd. Et ene Mourtadd so punition c'est saute licou en Islaam si ça fine arrivé dans ene l'état Islamique. Donc courra ene musulman ki change so la reli­gion li vine ene Mourtadd, coumsa même ça musulman ki autorise faire ça-là aussi vine ene Mourtadd.

Wahdatoul Woujoud et ene erreur

Ene causé de sagesse dire ki bizin adresse dimoune d’après so niveau. Malheureusement le sujet de Wahdatoul Woujoud ki ti causé auparavant dans ene milieu ki ti à la hauteur pou comprend ça, fine rente dans z’oreille banne ki perna l’aptitude pou comprend li. Donc d’après principe, banne ki comprend li faudré pas zotte cause ça avec banne ki pas capave comprend li afin pou pas crée confusion.

L’équation

Bœuf li ene z’animau ki halaal. Mais tous z’animau ki halaal, li pas nécessairement ene bœuf. Coumsa même ene Khariji so signe ceki li faire boucou ibaadat. Eski ça signifié tout ceki faire boucou ibaadat li ene Khariji ? Jamais ! Sinon ça pou nécessite nou dire ki ene bon musulman c’est ene ki pas faire boucou ibaadat. Et ça li fausse ki pas nécessite réfuté.

Ahlus-sunnah wal-jamaa’ah

Rassouloullah ‎(Sallallaahou A'laihi Wasallam)‎ fine dire ki so ‘Oummat pou divisé en 73 groupes. Là-dans pou ena ene seul groupe ki pou alle dans jannat. Banne Sahaba fine dimandé ça groupe ki pou alle dans jannat-là, ki groupe ça. En réponse Rassouloullah ‎(Sallallaahou A'laihi Wasallam)‎ fine dire : “ Ça groupe ki pou lors ça principe ki moi et mo Sahaba été.” 

Syndicate content