Dua

Pas hésité !

Ena tout ceki nou bizin pou nou bien-être et bien-être de nou banne proches et nou banne bien-aimés dans trésor Allah Ta’ala. Li ene qualité trésor ki pas diminué jamais. Li reste intacte couma li ti été auparavant et li pou continué reste pareil. Donc pas hésité dimandé ceki ou envi et la quantité ki ou envi. Ou pou fatigué dimandé mais Allah Ta’ala li pas fatigué donné. Allah Ta’ala pas agacé quand dimoune dimane li. Au contraire Allah Ta’ala li pli content ene dimoune ki dimandé avec li.

Façon pli approprié pou faire doah

Avant nou capave joine ene grand personnalité dans dounia, nou bizin parfois passe par ene filoir de officiers et de secrétaires. Zotte faire ça pou zotte propre sécurité et pou évite banne nuisance. Et dimoune donne zotte raison pou ceki zotte faire.

Insaan li faible et li vulnérable. Acoze ça li bizin faire tout ça-là. Et parfois li capave pas donne ou l’accès aussi si li trouvé ki ou ene nuisance pou li.

Doah

Allah Ta'ala so trésor ena tout ceki nou bizin. Quand nou bizin kitchose et en général tout ceki nou bizin, nou bizin dimane Allah Ta'ala. D'après ene hadice ki trouve dans Tirmizi, Nabi ‎(Sallallaahou A'laihi Wasallam)‎ ti adresse Hazrat Abdullah Bin Abbaas ‎(Radiyallahou anhou‎)‎ et fine conseille li:

"… Et quand to ena pou dimandé, dimane avec Allah Ta'ala et quand to bizin aide, dimane aide avec Allah Ta'ala …"

Doah

"O Allah! Nou dimane Toi protection contre tout connaissance, tout travail, tout l'amitié et tout kitchose ki pou vine ene barrière entre nou et Toi."

[Extrait de Al Jamiat Vol.3 No.4]

Ene doah

O Allah! Faire moi content mo banne frères musulmans pou faire Toi plaisir quand même si zotte pas partage mo l'opinion. O Allah ! Faire banne Daa-ï de tous bords et tous tendances, chakene comprend so camarade et agir couma ene bon musulman !

[Extrait de Al Jamiat Vol.2 No.13]

Istighfaar

Istighfaar veut dire dimane pardon avec Allah Ta’ala pou banne péchés ki fine faire.

Tous dimoune bizin dimane pardon avec Allah Ta’ala tout le temps parceki tous dimoune li coupable pou certaine manquement dans ene façon. Rassouloullah ‎(Sallallaahou A'laihi Wasallam)‎ même ti pé dimane pardon 70 à 100 fois dans ene jour.

“O Allah ! Pardonne moi mo banne tipti et mo banne grand péchés ki mo fine faire avec connaissance et banne péchés ki mo fine faire par négligence par to grâce.”

Ene dou’aa

 “O Allah! To même mo Rabb. Mo perna aukene Rabb apart Toi. Mo fine vine divant to la porte. Ouvert la porte de To bénédiction pou moi. Parceki mo perna aukene la porte apart to la porte.”

[Extrait de Al Jamiat Vol.2 No.7]

Syndicate content