Skip to Main Content Area

Ene dimoune so l'honneur trouve dans so l'honnêteté, so la force dans so sincérité, et so beauté dans so simplicité. Hazrat Mufti Meerun Sahib (Rahimahullah)

Hadith

Le Qour’aan mobile

Kikene fine dimane Hazrat Aisha ‎(Radiyallahou anhou‎)‎ a propos l’habitude et comportement Nabi ‎(Sallallaahou A'laihi Wasallam)‎. Hazrat Aisha ‎(Radiyallahou anhou‎)‎ fine repone ki Nabi ‎(Sallallaahou A'laihi Wasallam)‎ so comportement c’était Qour’aan-e-Kareem. C'est-à-dire le Qour’aan-e-Kareem ki nou ena en forme écrite c’est le Qour’aan en théorie. Quant à Qour’aan pratique et mobile c’était Nabi ‎(Sallallaahou A'laihi Wasallam)‎. La pratique de Nabi ‎(Sallallaahou A'laihi Wasallam)‎ c’est ça même ki nou qualifié li de sounnah.

Hadith

La jalousie

"La jalousie li mange banne bonne actions pareil couma difé mange du bois." (Abou Dawoud)

[Extrait de Al Jamiat Vol.5 No.5]

Hadith

Imite ene communauté

"Celui ki imite ene communauté, li vine ene parmi banne-là."

[Extrait de Al Jamiat Vol.5 No.1]

Hadith

Ene narrateur Maqboul

Selon ene banne ki déclare zotte impé pli malin ki lezot, ene narrateur Maqboul c'est ene narrateur ki so hadice li faible aussi longtemps ki li pas supporté par ene l'autre narrateur. Et zotte attribué ça définition-là à Allaamah Bin Hajar Asqalaani. Par ça nou comprend ki ene narrateur faible li Maqboul (acceptable) d'après Allaamah Bin Hajar Asqalaani quand même li pena personne ki supporté li. D'abord nou étonné ki manière ene rawi ki Layyinul hadice ou bien ene ki so hadice faible et ki personne pas soutenir li, capave vine ene narrateur Maqboul.

Hadith

Hadice Qudsi

Ene hadice Qudsi c'est ene hadice ki so sens li vine de coté Allah Ta'ala mais so formule li vine de coté Nabi ‎(Sallallaahou A'laihi Wasallam)‎. C'est-à-dire c'est ene révélation de coté Allah Ta'ala ki Nabi ‎(Sallallaahou A'laihi Wasallam)‎ exprime li dans so propre mot et li attribué ça à Allah Ta'ala. Banne hadice normale aussi c'est ene genre de révélation ki Nabi ‎(Sallallaahou A'laihi Wasallam)‎ exprime li dans so propre mot mais sans attribué li à Allah Ta'ala.

Hadith

Hadice Mounqati et les fameux étudiants!

Ene hadice mounqati c'est ene hadice ki ena ene narrateur manqué dans au milieu so sanad. Ça narrateur ki manqué dans so sanad, li capave ene narrateur correct couma li capave ene narrateur ki ena kit manquement ki nécessite rejette so hadice. Alors tanque pas conne ça rawi ki manqué-là, li difficile pou prononce lors ça hadice-là. C'est acoze ça, position ça hadice-là li vine lors balance.