Hadith

Hadice Qudsi

"O! Zenfant Adam Débarrasse toi (de tout kikchose) pou mo ibaadat mo pou rempli to le coeur avec richesse et mo pou accomplir to besoin Si to pas faire ça mo pou engage to la main dans occupation et mo pas pou accomplir to besoin" (Ibn Majah / Mousnad Imam Ahmad)

Hadice Qudsi :

O zenfant Adam !

Mo oulé et to aussi to oulé.

Mais ça même arrivé ceki mo oulé.

Si to soumette dans ceki mo oulé,

mo pou accorde toi ceki to oulé.

Si to oppose moi dans ceki mo oulé,

mo pou fatigue toi dans ceki to oulé.

10 kitchoses ki trouve dans nature dimoune


Hazrat ‘Aisha ‎(Radiyallahou anhou‎)‎ fine rapporté qui Rassouloul-laah ‎(Sallallaahou A'laihi Wasallam)‎ fine dire :
“Ena 10 kitchoses ki trouve dans nature dimoune :
1. Taille moustache,
2. Quitte la barbe,
3. Faire Miswaak,
4. Nettoye néné,
5. Taille z’ongles,
6. Lave banne joints dans le corps,
7. Tire banne cheveux en bas les bras,
8. Tire banne cheveux en bas l’ombril,
9. Servi de l’eau pour nettoyé quand fini faire besoin.
Le narrateur dire ki mo fine blié dixiéme-là; li possible ki (fine dire):
10. Rince la bouche.

Hadice Allah declare la guerre ...

Rassouloullah ‎(Sallallaahou A'laihi Wasallam)‎ fine dire ki Allah Ta'aala fine dire: "Celui ki faire l'ennemité avec mo (wali) camarade, mo déclare la guerre avec li." (Boukhari)

[Extrait de Al Jamiat Vol.1 No.10]

Parole de sagesse

Rasouloullah ‎(Sallallaahou A'laihi Wasallam)‎ fine dire: "Reste tou seul li pli bon ki frequente ene mauvais camarade. Et frequente ene bon camarade li pli bon ki reste tou seul. Et ene bon parole li pli bon ki reste silence. Et silence li pli bon ki cause ene mauvais parole." (Baihaqi)

[Extrait de Al Jamiat Vol.1 No.10]

Mouhaddith et faqih.

Mouhaddith c'est ene kikene ki bien versé dans la matière de hadice. C'est ça même ki nou appelle ene expert et savant de hadice.

Quant à ene Faqeeh, c'est ene kikene ki fine gagne ene don extraordinaire pou comprend et interprète Quraan-e-Kareem et hadice de Nabi ‎(Sallallaahou A'laihi Wasallam)‎. Apart ça li conne banne circonstance cote la loi de chaque verset et chaque hadice bizin appliquer. C'est ça même ki nou appelle banne juristes.

Ene musulman tou le temps li dans bien

Rasouloullah fine dire: "Ene musulman so situation li extra ordinaire - tou le temps li dans bien - Si li gagne ene bon kitchose li remercier Allah, sa aussi bon pou li et li gagne ene difficulté li faire sabar, sa aussi bon pou li." (Boukhari et Muslim)

[Extrait de Al Jamiat Vol.1 No.3]

Syndicate content