Conseil

Pas joué avec la vie

Quand ou ena ene bon travail pou faire, faudré pas ou renvoye renvoye li. Shaitaan li là pou mette ene tas prétexte devant nou pou capave finalement décourage nou faire ceki nou envi faire. Par faire nou post-pone ene

zaffaire, shaitaan li necque oulé gagne suffisamment le temps pou dévié nou. Nou bizin pas donne shaitaan ça l’occasion-là.

Ene conseil Hazrat ‘Oumar (Radiyallahu anhu)

"Reste loin avec tout ceki capave faire toi du tort. Faire camarade avec ene dimoune ki pieux. Et bien rare to pou gagne ça qualité dimoune-là. Et toujours prend conseil pou to problème avec banne ki peur Allah Ta’ala." (Al-Baihaqui)

[Extrait de Al Jamiat Vol.5 No.2]

Gaspille le temps dans banne causé inutile ou dans guette film ou dans guette football !

Nou la vie li déjà bien courte. Lors là nou gaspille ene quantité le temps pas seulement dans banne travail inutile mais aussi dans banne activités néfaste et désavantageux au niveau matériel et au niveau spirituel. Ça li faire nou la vie courte vine pli courte encore.

Ene ti analyse

Remplie ene verre de l'eau. Après ça plonge ou le doigt et tire li guetté. Ki quantité de l'eau ena dans ou le doigt? Eski li pas vrai ki ena ene tigite narien ditout ki pas représente narien divant ça tigite de l'eau ki rempli dans ça verre-là? Si ou fine saisi ça point-là, alors compare ça l'humidité lors ou le doigt-là avec la quantité de l'eau ki ena dans ou bassin ou bien dans ou resiglass. Li pli pas représente narien. Pas nécessaire compare li avec de l'eau l'océan pou dire ki ça l'humidité lors le doigt-là pas représente narien.

Prise de position sage

Mo conné ki ou extra content ou ti bébé. D'ailleurs tout dimoune même bizin content so zenfant. D'après ene hadice de Rassouloullah ‎(Sallallaahou A'laihi Wasallam)‎, ene dimoune li content so banne zenfant par ene pitié ki Allah Ta'ala fine mette dans so le cœur. Donc acoze ça, bon ou mauvais, tout dimoune même content so zenfant. Mais faudré pas l'amitié ki ou ena pou ou zenfant faire ou gagne ene l'extrême dégoût pou ça moustique ki fine pose lors so front. Faudré pas ou decontrôlé dans pousse vengeance avec ça moustique-là.

Dimane conseil …

Quand ena pou dimane conseil avec kikene, bizin guette 3 kitchose dans ça dimoune-là :

  1. Li bizin sincère.
  2. Li bizin ene dimoune ki ena la connaissance de Deen.
  3. Li bizin ena l’expérience et conne ça domaine dans ki pé dimane li conseil.

Li bizin sincère parceki si li pas sincère, li capave mal conseille ou par la jalousie. Expressément li capave mette ou dans l’erreur pou ki ou na pas réussi dans ou travail.

Pou amene l’harmonie…

Pou capave amene l’harmonie, la paix et la justice, li très important ki nou assume nou responsabilité avant nou réclame nou droit. C’est le contraire ki pé arrivé partout. Acoze ça, de plis en plis, l’insécurité, l’injustice et l’instabilité pé installe partout à tout niveau.

[Extrait de Al Jamiat Vol.2 No.5]

Syndicate content