Vie Sociale

Deen et la paix

De jour en jour la vie pé vine difficile. Dimoune nepli ena sécurité so la vie, so du bien, so la famille et so dignité. Parceki banne la loi ki ti capave garantie sécurité dimoune en général, ça même ki dimoune pé refuse accepté.

Sincérité dans la politique

Question :

Eski ena kitchose ki appelle sincérité dans la politique ?

Réponse :

Oui et certainement oui mais zotte sincère zisse pou rode zotte l’avantage personnel.

[Extrait de Al Jamiat Vol.4 No.12]

La liberté ou la tyrannie

La liberté pas veut dire ki ou capave faire ceki ou oulé. Parceki ceki ou oulé, ça aussi li bizin ena ene limite. Si jamais ou oulé ene kitchose ki faire ou prochain du tort, alors ou bizin pas oulé ça kitchose-là. Donc ou pas capave libre et jouir liberté à ene stage ki nuire lezot. Ça genre de liberté-là li ene liberté ki satisfaire zisse ene poignet dimoune au détriment de la plus grande majorité. C'est ene liberté ki seulement banne gros le bras et banne ki pli fort ki capave jouir ça. Ça montré ki ça genre de liberté-là li pas ene liberté réelle.

Réaction tout à fait logique

Ki ou pou faire si kikene faire boufon avec ou famille?

Définitivement ou pas ça fou-là ki ou pou riyé ou bien ou pou félicite ça dimoune ki pé dénigré ou famille. Et si jamais ou casse ene grand riyé dans ene situation semblable, dimoune pou ena parfaitement raison si zotte qualifié ou de ene ki pena l'amour propre.

Pas dénigré to prochain

En temps ki ene être humain, chakene ena ene dignité ki bizin être préservé. Faudré pas kikene prend l'honneur so camarade et li dénigré li. Ene dimoune ki pé subir ene certaine genre de dénigrement zordi, capave li aussi li fine dénigré kikene auparavant. Et ça dimoune ki pé dénigré so camarade zordi, li bizin attane ki demain kikene capave dénigré li.

Ene musulman li ene frère pou ene (l'autre) musulman

"Ene musulman li ene frère pou ene (l'autre) musulman. Li bizin pas faire dominere avec li ni li bizin délaisse li (dans kit difficulté ou bien laisse kikene faire dominere avec li). Celui ki reste engagé dans résoudre kit problème de so frère (musulman), alors Allah Ta'ala pou résoudre so problème. Celui ki soulage ene musulman dans ene difficulté, Allah Ta'ala pou soulage li dans ene difficulté parmi banne difficulté de Qiyaamat.

Règlement de compte

Ene dirigeant juste li pas applique ça vilain principe ki nou conne li par règlement de compte cote li pousse vengeance conte banne ki pas d'accord avec li. Ene dirigeant juste li agir avec impartialité. Li honore so banne opposants si zotte en raison et accorde zotte ceki zotte mérité. Et l'autre coté li pas hésité pou prend sanction conte so banne dimounes si zotte en tort.

[Extrait de Al Jamiat Vol.4 No.2]

Syndicate content