Taqleed-Mazhab

Ene l'amour embryonnaire

Ene l'amour ki débordé dans le cœur, li pas capave reste sans manifesté dehors. Dimoune ki content Rassouloullah ‎(Sallallaahou A'laihi Wasallam)‎ pas capave reste sans suive li et sans faire so l'apparence et so tenue ressemblé Rassouloullah ‎(Sallallaahou A'laihi Wasallam)‎. Si perna ça, veut dire ki so l'amitié li dans ene stage embryonnaire ki ena tout risque avorté.

[Extrait de Al Jamiat Vol.3 No.9]

Mémoire faible???

  • Hier ou ti dire ki l'opinion Imam Abou Hanifah (R) pas ene preuve. Mais ki arrivé zordi, ou pé servi fatwa Bin Baaz couma ene verset Qour'aan ???
  • Ou refuse accepté Ijma (consensus) de 4 Imam mais ou servi fatwa Sheikh Uthaimine couma dire li ene hadice ???

Pense pas ki ou mémoire li faible ça quantité-là. En réalité zordi ou fine bizin avale ceki ou ti vomi hier.

L'essentiel

Ou ena pou alle ene l'endroit ki ene chauffeur pé amene ou. Si chauffeur-là pé conduire bien, bizin laisse li faire so travail avec tranquillité et liberté. Si malgré ça ou essaye pou prend volant depi dans so la main, ça capave cause ene accident, même fatal aussi. Tout ça-là acoze ene simple ti désir ki ou fine échoué résisté conte ça. Ça même kitchose quand ene dimoune dans Deen pou analysé, li pou conclure ki ou fine dicté par ou nafs ki fine néfaste pou ou et pou ou camarade.

Quantité et qualité

"Pas bizin guette quantité, bizin guette qualité."

Ça causé-là li ene causé ki ena boucou sagesse et li appliqué aussi dan boucou circonstance. Mais malgré ça, pas capave généralise li. Ça li appliqué quand ene coté ena boucou mauvais et l'autre coté ena tigite mais seulement li bon. Par exemple ene dimoune ena ene quantité zenfants mais zotte tous mauvais et ene l'autre dimoune ena ene seul zenfant mais li bien bon.

Du coeur à coeur

Mo conné to fine fecque pose lipied dans ça l’étape ki appelle jeunesse. Quant à moi mo conné mo pas fine gère mo le temps couma bizin. Zordi quand mo oulé faire ceki mo fine raté dans mo jeunesse, mo trouvé soit mo perna le temps ou bien mo la santé pas permette moi. Mo jeunesse ! Mo pas oulé ki arrive toi ceki fine arrive moi. Conne gère to le temps et to courage parceki to pas pou regagne li encore.

Piraterie dans Deen

Empêche dimoune suive ene de ça 4 mazhab-là c'est ene genre de piraterie ki dévié l'oummah de so vrai destination pou finalement détruire li et expose li à l'anarchie. C'est ene façon pou faire dimoune quitte Deen sous couverture de Deen. Tout élément deviationniste ki pé opéré zordi jour pou dévié l'Oummah de Deen sous couverture de Deen, zotte branché directement ou indirectement et lié avec ça mouvement ki empêche suive ene de ça 4 mazhab-là. Donc ça c'est ene grand fraude envers Deen.

Suivre aveuglement…

Chemin de Hidaayat d'après banne érudits et banne juristes li trouve dans pratique Deen par suive ene de ça 4 mazhab-là. Ça appelle pratique Deen par suive ene ki pli pratiquant et pli conne Deen.

Syndicate content