Conaissance

Avoye roche

“Quand ou la caze en vitre, faudré pas ou avoye roche lors la caze ou camarade.”

Ene nouveau fitna

Ena ene causé ki dehors ki dire ki  “perna ‘Aalim dans Maurice”. Ene causé pareille perna aucaine utilité apart crée ene grand fitna dans la communauté. Parceki banne kaafir aussi ti refuse accepté nou Nabi ‎(Sallallaahou A'laihi Wasallam)‎ comme envoyé d’Allah ziste pou gagne raison dans pas suive li. Coumsa même, ça mauvais causé-là pou faire so l’effet. Le public pou amene so la vie couma ça faire li plaisir. Li pas pou écoute personne parceki perna ‘Aalim dans Maurice. Ça pou crée ene l’anarchie totale.

Hadice

"Ene ki mette la connaissance de Deen en disposition ene ki pas compétent pou ça, li couma dire ene ki mette ene guirlande ki faire avec perle dans li cou ene porc." (Al Mishkaat)

Ilm (la connaissance) et `amal (la pratique)

"Celui ki mette en pratique ene connaissance ki li ena. Allah Ta 'ala donne li ene connaissance ki li pas ti ena."

Hazrat "Oumar Bin Abdoul Aziz-fine dire : « C'est nou négligence dans mette en pratique ceki nou conné ki fine faire nou manque la connaissance de ceki nou pas conné. Si nou ti mette en pratique ene partie de ceki nou conné, nou ti pou bénéficié ene qualité connaissance ki peut être nou le corps pas ti pou capave tenir.

" Allah Ta'ala dire:-

Hadice fabriqué? - L’encre de ene Aalim li pli sacré qui di sang ene Martyr.

Question:­

D’après ene certaine information, ça hadice suivant-là fine être considéré comme ene hadice fabriqué: Est-ce qui li vrai?

“L’encre de ene Aalim li pli sacré qui di sang ene Martyr.”

Méfiance pou ‘Oulamaa

Quand dimounes perdi confiance et éprouve méfiance pou banne ‘Oulamaa, là Shaitwaan gagne chemin libre pou manipule zotte. Quand fini avec ‘Oulamaa, li commence avec le public. Chakene prend li pou ene grand connaisseur. Dans ene climat pareil, chakene pratique Deen couma li conné et couma li gagné. C’est l’anarchie totale.

[Extrait de Al Jamiat Vol.1 No.11]

Ene bon 'Aalim

Ene bon 'Aalim c’est ene kikene ki so compagnie inspire dans ou la politesse, la douceur et la volonté pou pratique Deen. Si ou trouvé ki ou pé développe banne caractères et manieres vulgaire et grossier, et de plus en plus ou pé éprouve ene genre de amertume dans ou le cœur pou banne 'Oulamaa, alors pli vite ki capave ou bizin éloigner avec ça milieu ki ou pé fréquenté là. Parceki doucement doucement, sans conné ou pé mette poison dans ou - ki pou détruire ou finalement. C’est ene genre de déviation spirituelle.

Syndicate content