Conaissance

Ilm, 'Oulama et Qiyaamat

D'après hadice de Nabi ‎(Sallallaahou A'laihi Wasallam)‎, quand Qiyaamat près pou arrivé, Ilm (la connaissance de Deen) pou enlevé et ça pou remplacé par l'ignorance. Le taux de zina pou augmenté. Dimoune pou boire l'alcool boucou.

Donne fatwa sans compétence

Ene dimoune ki pas fine formé clans ene façon professionnelle par banne professionnels dans Deen alors li haraam lors ça dimoune-là pou faire tafseer ou bien donne fatwa. Si ene dimoune conne anglais ou bien français ou bien urdu ou bien arab ça pas permette li prend ene livre lors tafseer ou bien ene livre lors fatwa et lire comme leçon divant banne dimounes si li pas fine formé dans ça domaine-là. Dans chaque domaine ena ene kitchose ki nou appelle "compétence". Ene dimoune ki pas fine formé li pas compétent.

Apprane acote gagné

Ou pas alle acheté légume dans la pharmacie. Ou pas alle répare l'auto cote docteur. Et personne pas apprane docteur cote mécanicien. Eski ou pas trouvé ou fine sous-estime Deen ki ou aile apprane li cote gagné ? Deen li ene kitchose tellement sérieux et sensible ki pas capave apprane li couma bizin necque à travers livre. Ou bizin apprane li avec ene dimoune ki vraiment conne Deen. Sinon ou ena chance tombe derrière ene aveugle ki pou jette ou dans précipice.

La chair banne ‘Oulama li poisonneux

“La chair banne ‘Oulama li poisonneux. Celui ki mange ça, li mort.” (Ibn-ous-Subki)

[Extrait de Al Jamiat Vol.2 No.7]

Garde rancune avec ene ‘Aalim

“Celui ki ena rancune avec ene Aalim sans kit raison apparente, alors li ena chance vine kaafir.” (AL-Khoulaaçah)

[Extrait de Al Jamiat Vol.2 No.5]

Donne fatwa

Bizin formation avant faire ene kitchose. Sans formation narien pas vine bon. Sans ene bon formation, ene dimoune pas capave monte ene caoutchouc aussi lors ene jante. Concernant ça travail-là ou capave lire quelque part ki dire : “L’éclatement de pneu peut-être du à un mauvais montage sur la jante. Le montage ou démontage doit être effectué uniquement par des personnes qui ont reçu une formation adéquate.”

Hors contexte

Allah Ta’ala fine donne chaque dimoune ene genre de beauté dans ene façon particulière. Ena dimoune so beauté physique li trouve dans so cheveux. Ena ki ena ça dans so lizié, so néné etc. Mais tous ça banne parti le corps-là bizin guette zotte dans zotte vrai place pou capave trouve zotte beauté réelle.

Syndicate content