Conaissance

Signe de beauté

Ene signe de beauté capave paraite ene vilain tache pou ene l'autre. Ça dépane avec ki regard ki ou guette ene kitchose. Ene ki guette so camarade avec ene regard rempli de l'affection, l'amitié et de l'appréciation, capave trouve la lune de l4eme nuit aussi inférieur divant so beauté. Mais ça même dimoune ena chance paraite ene dernier dimoune pou ene l'autre.

Respect

De jour en jour le mot respect fine reste ene vocabulaire ziste pou barre place dans dictionnaire. Et parfois dimoune pé capave cause li aussi. Mais en pratique c'est ene kitchose ki fine vine presque inexistant. C'est ene virus ki fine contamine la société à tel point ki banne ki pretende ena connaissance oussi fine échoué pou comprend le vrai sens du respect. Pas seulement zotte pena respect pou banne 'Oulama de nos jours, zotte pena respect ziska même pou banne grand 'Oulama longtemps.

Pas conné = pas existé???

Quand nou pas conne eue kitchose et la première fois non fine tanne ça, ça pas veut dire ki li pas existé. C'est ene principe ki nou tou bizin conné. lnsha Allah ça pou aide nou évite ene quantité erreurs. Parceki quand nou pas conne eue kitchose nou bizin dimane avec banne ki conné. Et quand nou pas conné li pas ene preuve contre banne ki conné. Au contraire non bizin être reconnaissant envers banne ki fine faire nou conne kitchose ki nou pas ti conné tous ça le temps la.

Ilm

'Ilm signifié connaissance. Mais la connaissance ou 'Ilm ki Quraan-e-Kareem et hadice de nou Nabi ‎(Sallallaahou A'laihi Wasallam)‎ fine encouragé pou acquérir c'est 'Ilm (connaissance) concernant Deen.

Deen li basé principalement lors deux sources: Quraan-e-Kareem et hadice. Donc 'Ilm d'après Shari'ah c'est la connaissance de Quraan-e-Kareem et hadice.

"Cherche la connaissance même jusqu'à en chine"

Questions:- D'après ene certaine information, ça hadice suivant-là fine être considéré comme ene hadices fabriqué: Est-ce qui li vrai? "Cherche la connaissance même jusqu'à en chine".

Réponse :-"Cherche la connaissance même jusqu'à en chine parceki cherche la connaissance li obligatoire lors chaque musulman."

Conné pas conné

Mo ti conne ki ou pas trop conné
Mais pas ti conné, coumsa ou pas conné
Quand pas conne, dire mo pas conné
Li bien mauvais ki ou déclare conné
Kikchose ki ou conné ou pas conné
Quand pas conné, pas reste pas conné
Ki conné ou capave conné ceki ou pas conné
Ceki ou déclare conne; ou pou conne ki ou pas ti conné
Déclare conne ceki en vérité ou pas conné
Appelle pas conné ou plis ki pas conné
Pas en colère, ki mone écrire mo pas conné
Mo pas conné, ou pas conné, Allah ki conné!

Connaissance valable

Ene connaissance valable c'est ene connaissance ki gagné avec banne prophètes (Alaihis Salaam) et zotte banne héritiers. (Fathoul-Baari)

[Extrait de Al Jamiat Vol.1 No.4]

Syndicate content